វិស័យអាកាសចរណ៍កម្ពុជាចាប់ផ្ដើមក្រោកឡើងវិញ ក្រោយមានក្រុមហ៊ុនអាកាសចរណ៍មួយចំនួនបានដំណើរការជើងហោះហើរជាបន្តបន្ទាប់មកកាន់រាជធានីភ្នំពេញ។
យោងតាមមន្ត្រីអាកាសយានដ្ឋាន បានឲ្យដឹងថា ក្រុមហ៊ុនងាកាសចរណ៍មួយចំនួនបានបើកដំណើរការជើងហោះ ឡើងវិញដូចជា ក្រុមហ៊ុន SilkAir ដែលមានមូលដ្ឋាននៅប្រទេសសិង្ហបុរី, ក្រុមហ៊ុនអាកាសចរណ៍ Cambodia AirWay និងក្រុមហ៊ុន JC Airline ជាដើម។
ជាមួយគ្នានេះ នៅថ្ងៃអង្គារ ទី៨ ខាងមុខនេះ ប្រទេសជប៉ុនក៏នឹងចាប់ផ្ដើមបើកដំណើរការជើងហោះហើរមកកាន់កម្ពុជាឡើងវិញផងដែរ ដោយជប៉ុនចាត់ទុកថាកម្ពុជា ជាប្រទេសដែលគ្រប់គ្រងការឆ្លងវីរុសរាតត្បាតបានល្អ។ នេះបើយោងតាមការលើកឡើងរបស់លោក Toshimitsu Motegi រដ្ឋមន្រ្តីក្រសួងការបរទេសជប៉ុន។
ដោយឡែក ចំនួននៃការហោះហើរនេះនៅមានតិចតួចនៅឡើយ បើធៀបជាមួយស្ថានភាពមុនកូវីដ១៩ ប៉ុន្តែបើធៀបកាលពីប៉ុន្មានខែមុន ពោលគឺក្នុងកំឡុងពេលកុវីដ១៩ កំពុងរីករាលដាលខ្លាំង ចំនួននេះក៏បានបង្ហាញពីភាពវិជ្ជមានផងដែរ ដោយកាលពីប៉ុន្មានខែមុន វិស័យងាកាសចរណ៍កម្ពុជាបានធ្លាក់ចុះប្រមាណជាង៩០% ឯណោះ។
សូមរំលឹកថា កាលពីឆ្នាំ២០១៩ កម្ពុជាទទួលអាកាសយានដ្ឋាននៅកម្ពុជា ទទួលភ្ញៀវទេសចរណ៍បានចំនួន ១១,៦លាននាក់ ប៉ុន្តែតាមការប៉ាន់ស្មាន ចំនួននេះនឹងមានការធ្លាក់ចុះខ្លាំងនៅឆ្នាំនេះ ដោយសាវិបត្តកូវីដ១៩។
អត្ថបទដោយ៖ Nevin