សន្ទុះតម្រូវការប្រើប្រាស់កង់នៅតែខ្ពស់ក្នុងលេខកំណត់ត្រា។
កាលពីខែមីនា ប្រជាជនបានចាប់ផ្តើមទិញកង់នៅពេលចាប់ផ្ដើមនៃជំងឺរាតត្បាត។ មួយឆ្នាំក្រោយមកឧស្សាហកម្មនេះនៅតែបន្តការកើនឡើងនៃការលក់រហូតដល់ចំណុចមួយសឹងតែផលិតផ្គត់ផ្គង់ដល់អ្នកប្រើប្រាស់មិនទាន់។
លោក George Gatto អគ្គនាយកម្ចាស់ហាង Gatto Cycle Shop នៅ Tarentum បាននិយាយថា “ យើងធ្លាប់មានកង់ដឹកឥវ៉ាន់ជាច្រើន ហើយឥឡូវនេះយើងនឹងទទួលបានពីរឬបីក្នុងពេលតែមួយ” ។ អ្នកលក់មិនអាចរក្សានូវតំរូវការបានទេ។ វាពិតជាលំបាកណាស់ក្នុងរយៈពេល ១២ ខែកន្លងមកនេះ។
កាលពីឆ្នាំមុនលោក Gatto បាននិយាយថាគាត់មានការស្ទាក់ស្ទើរក្នុងការដាក់បញ្ជាទិញដ៏ធំមួយ ប៉ុន្តែមិត្តភក្តិមកពីហាងផ្សេងៗ បានណែនាំឲ្យគាត់ធ្វើដូច្នេះ។
ប្រជាជនបានចាប់ផ្តើមទិញកង់នៅដំណាក់កាលដំបូងនៃជំងឺរាតត្បាត នៅពេលដែលពួកគេមិនបានទៅហាត់កីឡា និងក្លិបហាត់ប្រាណជាច្រើនទៀតត្រូវផ្អាកដំណើរ។ មនុស្សគ្រប់គ្នាកំពុងស្វែងរកអ្វីដែលត្រូវធ្វើនៅខាងក្រៅកន្លែងដែលពួកគេមានអារម្មណ៍ថាមានសុវត្ថិភាព ហើយអាចរក្សាគម្លាតសង្គមបាន ជាពិសេសពួកគេអាចហាត់ប្រាណបានថែមទៀត។
តាមរបាយការណ៍បានរៀបរាប់ថា ទោចក្រយានដែលសមស្របសម្រាប់ការប្រើប្រាស់ជាលក្ខណៈគ្រួសារ សម្រាប់ជិះកំសាន្ត និងអ្នកដែលមានលទ្ធភាពទិញក្នុងតម្លៃសមរម្យកាន់តែច្រើន អាចបង្ហាញពីកំណើននៃលក់ដាច់ខ្លាំងបំផុតពីមួយឆ្នាំទៅមួយឆ្នាំ។ វាក៏បានរៀបរាប់ផងដែរថា មនុស្សពេញចិត្តនឹងរបៀបរស់នៅបែបជិះកង់កម្សាន្ត ដូច្នេះហើយវាធ្វើឲ្យកង់មានតម្លៃ 200 ដុល្លារ អាចកើនឡើង 203% ខណៈការលក់កង់សម្រាប់ឡើងភ្នំកើនឡើងជាង 150% ។ ឯការលក់កង់របស់កុមារបានកើនឡើង 107% ។
ព័ត៌មានជំនួយសម្រាប់អ្នកចង់ទិញកង់៖
លោក Ashley Reefer ដែលជាម្ចាស់ក្រុមហ៊ុន Flat Tire Co នៅ Greensburg ផ្តល់ដំបូន្មាននេះសម្រាប់ការទិញកង់
- មានទំហំខុសៗគ្នា ដូច្នេះសូមជ្រើសរើសកង់ដែលសមនឹងអ្នក។ ប្រសិនបើអ្នកទិញទំហំមិនត្រឹមត្រូវ វាដូចជាការទិញស្បែកជើងដែលមិនត្រូវនឹងអ្នកដែ អ៊ីចឹងវានឹងមិនស្រួលទេ។
- ទិញពីហាងលក់កង់ក្នុងស្រុក ព្រោះប្រជាជននៅទីនោះមានចំនេះដឹងអំពីកង់ហើយនឹងគាំទ្រអ្នកបន្ទាប់ពីលក់រួច។ ប្រសិនបើអ្នកទិញអ្វីមួយតាមអ៊ីនធឺណិត នោះអ្នកមិនដឹងថាអ្នកកំពុងទទួលអ្វីនោះទេ។
- ទិញកង់ដែលសមនឹងថវិការបស់អ្នក។
- យកកង់របស់អ្នកទៅពិនិត្យមើលជាប្រចាំឆ្នាំ។
- ប្រសិនបើអ្នកទិញកង់ដែលបានប្រើរួចហើយ ត្រូវប្រាកដថាវាមានដំណើរល្អដោយគ្មានផលរំខាន។
ចុចអានបន្ថែម៖ ARK ទិញភាគហ៊ុន 64 លានដុល្លារទៀតនៅក្នុងភាគហ៊ុន Coinbase ហើយលក់ភាគហ៊ុន 99.5លានដុល្លារនៃភាគហ៊ុន Tesla
លោក មឿន ញាណ “ ខ្ញុំមានជីវិតដោយសារការលេបថ្នាំ ”
ប្រភព៖ TRIB LIVE
ប្រែសម្រួលដោយ៖ ង៉ាន់ សុគុន