ជាក់ស្ដែងទីផ្សារអចលនទ្រព្យនាពេលបច្ចុប្បន្ន កំពុងតែរងផលប៉ះពាល់ ពីការរាតត្បាត មេរោគកូវីដ១៩ តាមការសង្កេតមើលជាក់ស្ដែង មិនថាអ្នកវិនិយោគទុនជាតិ ឬអន្ដរជាតិនោះទេ កំពុងតែស្ថិតក្នុងការពិចារណា ដែលជាហេតុធ្វើឲ្យតម្លៃទីផ្សារ មិនថាជាដី ឬផ្ទះសំបែងនោះទេ មិនអាចងើបខ្លួនរួចរួចនោះឡើយ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានប្រាប់ទៅភ្នាក់ងាសារព័ត៌មានក្នុងស្រុកថា មេរោគកូវីដ១៩ កំពុងជះឥទ្ធិពលកាន់តែខ្លាំងឡើងៗ មកលើវិស័យអចលនទ្រព្យនៅកម្ពុជា កត្ដានេះបានធ្វើឲ្យអ្នកវិនិយោគទុនអន្ដរជាតិ មានភាពថយចុះ ប៉ុន្តែ សម្រាប់អ្នកវិនិយោគក្នុងស្រុកនៅបន្តទិញ ដែលពួកគាត់គិតថា នេះនៅតែជាឱកាសសម្រាប់ការវិនិយោគ។
លោកបន្តថា ក្នុងអំឡុងពេលនេះ អ្នកមានប្រាក់ក្នុងដៃជាឱកាសល្អហើយ ប៉ុន្តែ យ៉ាងណា ក៏ដោយ បើផ្នែកលើទិដ្ឋភាពសាក់ស្ដែង ឥទ្ធិពលកូវីដ១៩នេះទើបតែចាប់ផ្តើមទេ ដូច្នេះ ក្នុងរយៈដ៏ខ្លីខាងមុខ វិស័យនេះវាអាចនឹងបន្តធ្លាក់កាន់តែខ្លាំង ទាំងសកម្មភាពទិញដូរ ក៏ដូចជា សកម្មភាពអភិវឌ្ឍន៍ ដូច្នេះវាជាហេតុផលមួយដែលអ្នកវិនិយោគត្រូវយកមកគិត ហើយធ្វើការសម្រេចចិត្ដ។
គូសបញ្ជាក់ផងដែរថាក្នងកំលុងពេលនេះ បើទោះបីជាវិស័យមួយនេះ ត្រូវរងផលប៉ះពាល់ក៏ពិតមែន ប៉ុន្ដែបើយើងសម្លឹងទៅលមើល តម្លៃនៃអចលនទ្រព្យ គឺមិនធ្លាប់ចុះនៅឡើយទេ ប៉ុន្ដែមានភាពនឹងនរ ព្រោះថា មេរោគ ទើបតែចាប់ផ្ដើមជះឥទ្ធិពល។ យ៉ាងណាមិញ តើយើងអាចរក្សាគោលជំហរ សម្រាប់ពេលបន្ដទៀតបន្ដិចបានទេ ក្រែងលរតម្លៃទិផ្សារអាចមានការធ្លាក់ចុះ។
ដោយ៖ Stince
