We TV Cambodia

WHO បារម្ភពីការឆ្លងមេរោគ កូរ៉ូណា នៅប្រទេសដទៃ ដែលទិន្ន័យមើលឃើញនៅមានតិច

WHO បារម្ភពីការឆ្លងមេរោគ កូរ៉ូណា នៅប្រទេសដទៃ ដែលទិន្ន័យមើលឃើញនៅមានតិច

កូរ៉ូណា៖ បច្ចុប្បន្ន មេរោគ កូរ៉ូណា កំពុងតែបន្ដសម្លាប់ប្រជាជនចិនជាប្រចាំថ្ងៃក្នុងទីក្រុង វ៉ូហាន ដែលទិន្ន័យបង្ហាញចុងក្រោយ អ្នកស្លាប់ឈានទៅដល់ ៩១០នាក់ និងអ្នកជម្ងឺ កើនឡើងដល់ទៅ ជាង៤ម៉ឺន ៦រយនាក់។ ដោយអត្រានៃការឆ្លង នៅតែបន្ដកើនឡើង លោក លោក ថេដ្រូស អាដាណម ហ្គេប្រេយែសឹស (Tedros Adhanom Ghebreyesus) ប្រធានអង្គការ សុខភាពពិភពលោក បានសម្ដែងនូវការ ព្រួយបារម្ភ ជាថ្មីបន្ដទៀត ចំពោះការឆ្លងទៅកាន់មនុស្សដែលមិនធ្លាប់មានប្រវត្ដិ ធ្វើដំ​ណើរ​​មកប្រទេសចិន ដែលជាការឆ្លងក្នុងតំបន់ ផ្អែកលើអត្រាបង្ហាញបច្ចុប្បន្នមានចំនួនតិច។

លោក Ghebreyesus បានបង្ហោះសារក្នុងបណ្ដាញសង្គមទំនាក់ទំនង Twitter ថា លោក មានការព្រួយបារម្ភ អំពីការឆ្លងមេរោគមេរោគ កូរ៉ូណា ទៅកាន់មនុស្សដែលមិនធ្លាប់មានប្រវត្ដិ ធ្វើដំណើរទៅកាន់ប្រទេសចិន។ ករណីនៃការរកឃើញនូវ​ចំនួនមួយដែលតូច គឺអាចជាសញ្ញាមួយបង្ហាញពីការឆ្លងជា​លក្ខណៈទ្រង់ទ្រាយធំ នៅតាមប្រទេសដទៃជាច្រើនទៀត។ សរុបសេចក្ដី​មក ការកំពុងតែមើលឃើញរបស់​យើងនៅពេលនេះ គឺគ្រាន់តែជាចំនុចតូចមួយប៉ុណ្ណោះ។

គូបញ្ជាក់ផងដែរថា ការលើកឡើងរបស់​លោក Ghebreyesus នៅពេលនេះ គឺចង់បង្ហាញពីទឹកចិត្ដ ឲ្យ​មានការប្រុងប្រយ័ត្ន ខ្ពស់នៅតាមប្រទេសនីមួយៗជុំវិញពិភពលោក ជាពិសេសបណ្ដាប្រទេស​ដែលមាន ប្រព័ន្ធ វិស័យសុខាភិបាល ទន់ខ្សោយ និង សំភារៈការពារ ព្យាបាល នៅមានកម្រិត។

អត្ថបទដោយ៖ អឿ អ៊ុយ

ប្រភព៖ ក្រៅស្រុក

Related Articles