We TV Cambodia

Updated៖ មេរោគ កូរ៉ូណា បន្ដសម្លាប់ប្រជាជនចិនដល់ទៅ២៥៩នាក់ អ្នកជម្ងឺកើនដល់ ១១៧៩១ករណី

Updated៖ មេរោគ កូរ៉ូណា បន្ដសម្លាប់ប្រជាជនចិនដល់ទៅ២៥៩នាក់ អ្នកជម្ងឺកើនដល់ ១១៧៩១ករណី

បរទេស៖ របាយការណ៍កំណើនអ្នកស្លាប់ និងអ្នកជម្ងឺពេលនេះ នៅប្រទេសចិន ខណៈដែលមេរោគកូរ៉ូណា កំពុងបន្ដការរាតត្បាតយ៉ាងសាហាវ កើនដល់២៥៩នាក់​ និងអ្នកជំងឺមានទៅដល់ ១១៧៩១ករណី។ អាជ្ញាធរចិន មិនទាន់ហ៊ានធានាឲ្យបាននូវការទប់ស្កាត់ការរាត្បាតនៃ មេរោគដ៏សាហាវនេះនៅឡើយទេ។

កាលពីម្សិលមិញរបាយការណ៍ទើបតែបង្ហាញថា​ អ្នកស្លាប់ មានត្រឹមតែ២១៣នាក់ អ្នកជម្ងឺមានត្រឹមតែ ៩៨១៦ករណីនោះទេ ប៉ុន្ដែសម្រាប់របាយការណ៍បង្ហាញថ្ងៃនេះ ទាំងអ្នកស្លាប់ និង អ្នកជម្ងឺកើនឡើងដូចគ្នា។ របាយការណ៍បន្ដទៀតថា​ អត្រាអ្នកស្លាប់ និងអ្នកជម្ងឺគឺ បូកសរុបរួមទូទាំងប្រទេសចិន ដោយឡែក គ្រាន់តែករណីនៅ ទីក្រុង វ៉ូហាន មានច្រើនជាងគេប៉ុណ្នោះ។ អត្រាអ្នកស្លាប់ថ្មីសរុប មានចំនួន ៤៥នាក់ ក្នុងនោះប្រជាជន វូហាន មានចំនួន៣៣នាក់។

អាជ្ញារធរចិន​បានចាត់​វិធានការ​ យ៉ាង​ក្ដៅគគុក គ្រប់រូបភាព ដើម្បីការពារ​ និងព្យាបាលអ្នកជម្ងឺ ប៉ុន្ដែនៅមិនទាន់មានប្រសិទ្ធភាព ពេញលេញ ខណៈដែលគ្រូពេទ្យចំនួនដល់ទៅ៧០០០ នាក់ក៏ត្រូវបានត្រូវបាន​ចាត់តាំងបញ្ជូនពី ប៉ីជីង ទៅកាន់ ហឺប៉ីកាលពីដើមសប្ដាហ៍ដែរ។

រាជរដ្ឋាភិបាល អាមេរិក លោក ត្រាំ ក៏បានប្រកាសទៅដល់ ប្រជាជនអាមេរិកទាំងអស់ ដែលចាកចេញពីប្រទេសចិន វិលត្រលប់មកអាមេរិកវិញ ត្រូវស្ថិតក្នុងការត្រួតពិនិត្យ និងដាក់ឲ្យនៅឆ្ងាយដាច់ដោយឡែក ចំនួន១៤ថ្ងៃ ដើម្បីធានាឲ្យបាន នូវសុវត្ថិភាពដល់អ្នកដទៃ។

អត្ថបទដោយ៖ អឿ អ៊ុយ

Related Articles