We TV Cambodia

IMF វាយតំលៃថា កំណើនសេដ្ឋកិច្ចកម្ពុជានឹងខ្ពស់ជាងបណ្តាប្រទេសក្នុងតំបន់ នៅឆ្នាំ ២០២០

IMF វាយតំលៃថា កំណើនសេដ្ឋកិច្ចកម្ពុជានឹងខ្ពស់ជាងបណ្តាប្រទេសក្នុងតំបន់ នៅឆ្នាំ ២០២០
រូបថតៈ We TV Cambodia/Theara Thoeurn

ដោយៈ ទិន សុខាវុធ

ស្ថាប័ន​មូលនិធិ​រូបិយវត្ថុ​អន្តរជាតិ ហៅ​កាត់​ថា IMF បាន​វាយ​តំលៃ​ថា កំណើន​សេដ្ឋកិច្ច​កម្ពុជា​នឹង​ខ្ពស់​ជាង​បណ្តា​ប្រទេស​ក្នុង​តំបន់ នៅ​ក្នុង​ឆ្នាំ ២០២០ ខាង​មុខ​នេះ​។

យោង​តាម​របាយ​ការណ៍​វាយតំលៃ​​កំណើនសេដ្ឋកិច្ចរបស់​ IMF ចេញ​ផ្សាយ​ជា​សាធារណ​ នៅថ្ងៃ​ទី ២២ ខែ តុលា ឆ្នាំ ២០១៩ កន្លង​ទៅ​នេះ កំណើន​សេដ្ឋកិច្ច​កម្ពុជា​នៅ​ក្នុង​ឆ្នាំ ២០១៩ នេះ ត្រូវ​ស្ថិត​ក្នុង​អត្រាកំណើន​ប្រមាណ​ជា ៧% ។ ក៏ប៉ុន្តែ អត្រា​កំណើន​នេះ​នឹងថយ​ចុះ​បន្តិចវិញ​នៅ​ក្នុង​ឆ្នាំ ២០២០ ពោល​គឺនឹងត្រូវ​ស្ថិត​ក្នុង​រង្វង់ប្រមាណជា ៦.៨%​ ។

IMF បានបន្ថែមទៀត​ថា ទោះ​បី​ជា​​នៅ​ក្នុង​ឆ្នាំ​ខាង​មុខ​នេះ តួលេខនៃកំណើន​សេដ្ឋកិច្ច​របស់​កម្ពុជា​មាន​ការថយ​ចុះ​បន្តិច​មែន តែ​បើប្រៀបធៀប​ទៅ​នឹង​ប្រទេស​ដទៃ​ទៀត​ក្នុង​តំបន់ កំណើន​សេដ្ឋកិច្ច​កម្ពុជា​ខ្ពស់​ជាង​បណ្តា​ប្រទេស​ទាំងនោះ​។

បើ​តាម IMF នៅ​ឆ្នាំ ២០២០ កំណើន​សេដ្ឋកិច្ច​របស់​ប្រទេស​សិង្ហបុរី នឹង​កើន​ឡើង​ដល់ ១% ​ប្រទេស​វៀតណាម ៦.៥% ប្រទេស​ប្រ៊ុយណេ ៤.៧% ប្រទេស​ហ្វីលីពីន ៦.២% ប្រទេស​ឥណ្ឌូនេស៊ី ៥.១% ប្រទេសឡាវ ៦.៥% ប្រទេស​មីយ៉ានម៉ា ៦.៣% ប្រទេស​ថៃ  ៣% ប្រទេស​ម៉ាឡេស៊ី ៤.៤% ។

IMF បាន​ពន្យល់​ពី​ការធ្លាក់​ចុះ​នៃ​កំណើន​សេដ្ឋកិច្ច​របស់​កម្ពុជា​នៅ​ឆ្នាំ ២០២០ ពី ៧% មក​នៅ​ត្រឹម ៦.៨% ថា​មក​ពី​​ការថយ​ចុះ​នៃ​កំណើន​សេដ្ឋកិច្ច​ពិភពលោក​៕

Related Articles