We TV Cambodia

Grab ទទួលទឹកប្រាក់វិនិយោគ ដល់ទៅ ៨៥០លានដុល្លារ ពីអ្នកវិនិយោគជប៉ុន​ចំនួន២

Grab ទទួលទឹកប្រាក់វិនិយោគ ដល់ទៅ ៨៥០លានដុល្លារ ពីអ្នកវិនិយោគជប៉ុន​ចំនួន២

បរទេស៖ ក្រុមហ៊ុនសេវា ដឹកជញ្ជូន​ Grab Holding Inc (Grab Taxi) ដែលមានមូលដ្ឋាននៅប្រទេសសិង្ហបុរី បើកទ្វារទទួលយកនូវការវិនិយោគ​បន្ថែម ពីក្រុមហ៊ុនចំនួនពីរមកពី ប្រទេសជប៉ុន ក្រោមទំហំទឹកប្រាក់ដល់ទៅ ៨៥០ លានដុល្លារ។

ក្រុមហ៊ុនជប៉ុនចំនួន២ មាន ក្រុមហ៊ុន TIS ផ្ដល់សេវាកម្មផ្នែកដំណោះស្រាយ បច្ចេកវិទ្យា(អាយធី) បានបោះទុនវិនិយោគទឹកប្រាក់ ១៥០ លានដុល្លារ និង ក្រុមហ៊ុន Mitsubishi UFJ Financial Group ធ្វើការលើវិស័យ​ធនាគារ ហិរិញ្ញវត្ថុ ក៏បានបោះទុនវិនិយោគចំនួន ៧០០លានដុលារអាមេរិក ជាមួយនឹងក្រុមហ៊ុន Grab ដើម្បីសម្រួលដល់ ការប្រើប្រាស់សេវាកម្ម នឹងបំពេញតម្រូវការអតិថិជន។

ការមើលឃើញនូវចំនុចពិសេស នៃកិច្ចសហប្រតិបត្ដិការរវាងដៃគូទាំងពី Grab និង TIS ស្ថិតក្នុងគម្រោង ដើម្បីផ្ដល់ភាពងាយស្រួល និង មធ្យោបាយថ្មីនៃការបង់ប្រាក់ ដោយកាត់បន្ថយការបង់ប្រាក់សុទ្ធ មកអនុវត្ដតាមវិធីបង់ប្រាក់បែបបច្ចេកវិទ្យាវិញម្ដង។ លោក Ming Maa អគ្គនាយក ក្រុមហ៊ុន Grab បានបង្ហាញនូវ​ក្ដីសង្ឃឹមយ៉ាងមុត​មាំ សម្រាប់គម្រោងសហការនេះ ហើយនឹងធានាឲ្យបាន​នូវ លក្ខណៈល្អប្រសើរ ទាំងផ្នែកសេវាកម្ម ផ្នែកហិរញ្ញវត្ថុ ក្នុងតំបន់អាស៊ីអាគ្នេយ៍។

គូសបញ្ជាក់ផងដែរថា នៅឆ្នាំ ២០១៩ Grab នៅតែបន្តរីកចម្រើន និង ពង្រឹងគោលជំហរឈានមុខគេក្នុងការបញ្ជាទិញរថយន្តតាមបច្ចេកវិទ្យាការ ដឹកជញ្ជូនចំណីអាហារ និងការទូទាត់តាមទូរស័ព្ទនៅក្នុងតំបន់អាស៊ីអាគ្នេយ៍។ នឹងមិនត្រឹមតែប៉ុណ្ណោះ Grab ក៏មានជា ក្រុមហ៊ុនហិរញ្ញវត្ថុហើយក៏ កំពុងពង្រីកអាជីវកម្មរបស់ខ្លួនយ៉ាងឆាប់រហ័សបន្ថែម លើផលិតផលសេវាកម្មហិរញ្ញវត្ថុ ដូចជា សេវាកម្មធានារ៉ាប់រងអតិថិជន និងប្រាក់កម្ចីអតិថិជននៅក្នុងតំបន់។

អត្ថបទដោយ៖ Stince

ប្រភព៖ ក្រៅស្រុក

Related Articles