គ្នាយើងមួយចំនួន ប្រហែលធ្លាប់ជួបបញ្ហាប្រេះបបូរមាត់នេះហើយ ដោយរោគសញ្ញាកើតឡើងនៅជុំវិញបបូរមាត់ មានដូចជា ស្ងួត ប្រេះ របក ឡើងពងបែក ហើម ឬហូរឈាមជាដើម។ ត្បិតវាមិនបង្កគ្រោះថ្នាក់ធ្ងន់ធ្ងរ តែវាក៏ធ្វើឲ្យយើងនៅមិនសុខស្រួលដែរ ដូចជាឈឺមាត់ ឈាមមាត់ ជាពិសេសធ្វើឲ្យបបូរមាត់ អាក្រក់មើលថែមទៀត។ ការលិឍបបូរមាត់ញឹកពេក និងប្រតិកម្មខ្លាំង ជាមូលហេតុចម្បង បណ្ដាលឲ្យប្រេះបបូរមាត់។ បបូរមាត់របស់យើង ពុំមានក្រពេញខ្លាញ់ ដូចផ្នែកផ្សេងទៀតនៃរាងកាយទេ ដូច្នេះវាងាយនឹងស្ងួត ឬប្រេះខ្លាំងណាស់ បើសិនវារងកម្ដៅព្រះអាទិត្យ ឬខ្យល់ដែលមានសំណើមតិច។
វិធីព្យាបាល និងបង្ការ
បញ្ហាប្រេះបបូរមាត់ ជាធម្មតា មិនបង្កគ្រោះថ្នាក់ធ្ងន់ធ្ងរនោះទេ ហើយយើងក៏អាចព្យាបាលដោយខ្លួនឯងបានផងដែរ។ យើងអាចអនុវត្តវិធីខាងក្រោម បន្ថែមទៀត៖
- លាបក្រែម (Balm) លើបបូរមាត់ដើម្បីជួយរក្សាសំណើមពេញមួយថ្ងៃ
- ផឹកទឹកឲ្យបានច្រើន
- ចៀសវាងការផលប៉ះពាល់ជាមួយខ្យល់ស្ងួត អាកាសធាតុត្រជាក់ខ្លាំង
ប្រែសម្រួលដោយ៖ ពិសី