អ្នកនាំពាក្យក្រសួងសុខាភិបាល លោក វេជ្ជបណ្ឌិត លី សូវ៉ាន់ បានប្រាប់ទៅភ្នាក់ងារព័ត៌មានក្នុងស្រុកកាលពីព្រឹកមិញថា ក្រុមគ្រួពេទ្យកម្ពុជាជឿជាក់ថាអាចព្យាបាលបុរសជនជនជាតិ ដែលផ្ទុមមេរោគកូរ៉ូណា ឲ្យជាសះស្បើយ១០០ភាគរយ ព្រោះស្ថានភាពជាក់ស្ដែង ខណៈឥឡូវហ្នឹង គាត់ ហាក់ដូចជា ជាសះស្បើយ។ លោកបានបញ្ជាក់បន្ថែមទៀតថា បុរសវ័យចំណាស់ ដែលមានផ្ទុក មេរោគ កូរ៉ូណា ហើយត្រូវបាន ទទួលបានការការពារ ពីក្រុមគ្រូពេទ្យ ពេលនេះសុខភាបគាត់លែងមានសញ្ញា បង្ហាញដូចជា ក្អក ផ្ដាសាយ ដូចមុនហើយទៀតហើយ ពោល គាត់អាចមានសភាពធម្មតា។
លោក វេជ្ជបណ្ឌិត លី សូវ៉ាន់ បានបន្ថែមទៀថា កម្ពុជាអាចនឹងបញ្ជូនគាត់ត្រលប់ទៅប្រទេសចិនវិញក្នុងរយៈពេលមួយដ៏ខ្លី ប៉ុន្ដែខណៈពេលនេះ ទោះបីគាត់មានអាការៈប្រសើរឡើងវិញច្រើនមែន តែក្រុមគ្រូពេទ្យ នៅតែបន្ដតាមដាន ពីស្ថានភាពគាត់ ហើយនឹងរក្សាគាត់ក្នុងបន្ទប់ដាច់ដោយឡែកផងដែរ។
គូសបញ្ជាក់ផងដែថា នៅថ្ងៃទី២៧ ខែមករា ឆ្នាំ២០២០ កម្ពុជា បានរកឃើញមេរោគកូរ៉ូណា លើបុរសជនជាតិចិនម្នាក់ នៅខេត្តព្រះសីហនុ។ បុរសនោះ ឈ្មោះ ចា ជិនហួ អាយុ៦០ឆ្នាំ។ គាត់ បានធ្វើដំណើរជាមួយសមាជិកគ្រួសារ៣នាក់ទៀត ពីទីក្រុងវូហាន មកកាន់ខេត្តព្រះសីហនុ កាលពីថ្ងៃទី២៣ ខែមករា ឆ្នាំ២០២០។ គ្រួសាររបស់គាត់ទាំង៣នាក់ មិនមានមេរោគកូរ៉ូណានោះទេ។
អត្ថបទដោយ៖ អឿ អ៊ុយ
ប្រភព៖ ក្នុងស្រុក