ដោយ៖ពេជ្រ
វៀតណាម៖ បើតាមសារព័ត៌មានចិន បានឲ្យដឹថា ក្រសួងសុខាភិបាលប្រទេសវៀតណាម បានប្រកាសកាលពីថ្ងៃទី១៨ ខែឧសភា ឆ្នាំ២០២០នេះ ពីការរកឃើញករណីឆ្លង COVID-19 ចំនួន ០៤នាក់ទៀត នាំឲ្យករណីឆ្លងសរុប នៅក្នុងប្រទេសនេះ កើនឡើងដល់ ៣២៤ករណី។
សារព័ត៌មានដដែលនេះ បានបន្ថែមថា ក្រៅពីករណីឆ្លង០៤នាក់ខាងលើនេះ វៀតណាមក៏មានអ្នកជំងឺចំនួន០៣នាក់ដែលជាសះស្បើយផងដែរ ធ្វើឲ្យចំនួនអ្នកជាសះស្បើយសរុបកើនដល់ ២៦៣នាក់។ ចំណែកមនុស្សចំនួន ១៣១នាក់ផ្សេងទៀតកំពុងស្ថិតក្នុងការសង្ស័យ និងធ្វើតេស្តរកវីរុសកូរ៉ូណាថ្មីនេះនៅឡើយ៕