នាព្រឹកថ្ងៃទី ១៥ ខែធ្នូ ឆ្នាំ ២០២០ យោងតាមការផ្សាយផ្ទាល់ របស់សម្ដេចតេជោ ហ៊ុន សែន ថ្លែងសារពិសេស ផ្ញើជូនជនរួមជាតិ ពាក់ព័ន្ធ ស្ថានភាពកូវិដ ១៩ និងការទិញវ៉ាក់សាំង បានឱ្យថា បើទោះបីជាយើង គ្រប់គ្រង ស្ថានភាពអ្នកឆ្លងបានក៏ពិតមែន ក៏ប៉ុន្តែ សម្តេចស្នើសុំឱ្យប្រជាពលរដ្ធខ្មែរទាំងអស់បន្តអនុវត្តន៏វិធានការទាំងបី តាមការណែនាំរបស់ក្រសួងសុខាភិបាល ដែលរួមមាន៖
- ផ្អាកការជួបជុំ ការមានកម្មវិធី ជប់លៀង ឬ ពិធីផ្សេងៗ ដែលលើសពី២០នាក់
- ពាក់ម៉ាស លាងដៃជាមួយអាល់កុល ឬសាប៊ូ ជានិច្ច
- កុំទៅទីកន្លែងណា ដែលហប់ បិតជិត ឬ ចង្អៀត
យ៉ាងណាមិញ គួរជម្រាបផងដែរថា តាមអនុសាសន៏ចុងក្រោយ របស់សម្ដេចតេជោ ហ៊ុន សែន គឺស្នើរសុំមិនឱ្យមានការរើសអើង អ្នកមានវិជ្ជមានកូនវិដ ១៩ ដូចអ្នកជំងឺអេសដ៏ដែរ។
អត្ថបទដោយ៖ ពិសី