ក្រោយពេលសម្រាលហើយ ទារកត្រូវការងូតទឹកសម្អាតខ្លួនរាល់ថ្ងៃដូចយើងមនុស្សធំដែរ បើមិនដូច្នេះនឹងអាចមានមេរោគតោងនៅលើស្បែកកូន។ អ្នកថែទាំទារកគួរយល់ដឹងពីវិធីសាស្ត្រខ្លះៗ ទាក់ទងនឹងរបៀបរបបក្នុងការងូតទឹកឲ្យទារក ទាំងមុន អំឡុងពេល និងក្រោយងូតទឹក។
១.មុនពេលងូតទឹកឲ្យកូនតូច
– គ្រប់សម្ភារៈទាំងអស់ត្រូវបានរៀបចំឲ្យហើយនៅកន្លែងដែលត្រូវងូតទឹក (សម្លៀកបំពាក់ កន្ទប កុំប្រេស…)
– សម្ភារៈ និងកន្លែងងូតទឹកស្អាត និងត្រូវបានសម្លាប់មេរោគរួចរាល់
– សីតុណ្ហភាពទឹកត្រូវបានត្រួតពិនិត្យ (បើគ្មានទែម៉ូម៉ែត្រ អាចវាស់ដោយផ្នែកខាងក្នុងដើមដៃ)
– បញ្ចូលទឹកនូវ ៣៨អង្សារសេ (បើចាំបាច់ ត្រួតពិនិត្យសីតុណ្ហភាពនៃបន្ទប់)
២.អំឡុងពេលងូតទឹក
– លាងដៃមុនចាប់ផ្ដើមងូតទឹក ឬថែទាំកូន
– ចៀសវាងការធ្វើឲ្យទារករងា(ទារកគ្មានសម្លៀកបំពាក់រយៈពេលខ្លីបំផុត)
– លើកដាក់ទារកថ្នមៗ និងនិយាយលេងជាមួយកូន
– សម្អាតរាងកាយទារកជាមួយសាប៊ូសមស្រប បើចាំបាច់
– ជូតសម្អាតតាមលំដាប់ដូចជា ផ្នត់ ក ឃ្លៀក ខ្នង ពោះ ផ្នត់ក្រលៀន ភ្លៅ ផ្នែកខាងក្រៅនៃប្រដាប់ភេទ និងគូថ- ទប់ទារកក្រោមឃ្លៀកឲ្យបានល្អពេលងូតទឹក- ជូតខ្លួនកូនឲ្យបានល្អ ផ្ដិតថ្នមៗ ជាពិសេសកន្លែងផ្នត់
- ធ្វើការថែទាំសម្អាតផ្ចិត
– ពាក់កន្ទបថ្មីស្អាត
– លាងសម្អាតដៃដោយសាប៊ូ ឬទឹកអ៊ីដ្រូអាល់កុលលីក
៣.ក្រោយពេលងូតទឹក
– ដាក់ទារកក្នុងកន្លែងសមរម្យ និងគ្របកម្រាលស្អាត
– ជូតសម្អាតសម្ភារៈ និងទីតាំងងូតទឹក
– រៀបទុកដាក់សម្ភារៈ៕
ប្រែសម្រួល៖ គឹមសួ
