ដើម្បីរួមចំណែកជាមួយរដ្ឋាភិបាលក្នុងការទប់ស្កាត់ Covid-19 ធនាគារអេស៊ីលីដាបានប្រកាសកាលពីម្សិលមិញថា ខ្លួននឹងបរិច្ចាគថវិកាចំនួន ៣,០០០លានរៀល ឬប្រមាណ ៧៤ម៉ឺនដុល្លារអាមេរិកជូនរដ្ឋាភិបាល។ ថវិការនោះដែរនឹងប្រើសម្រាប់ការងារសង្គម និងសង្គមដូចជា៖
១. ថវិកាចំនួន ៨០០លានរៀលប្រើសម្រាប់ចូលរួមចំណែកដោយផ្ទាល់ជាមួយរាជរដ្ឋាភិបាលកម្ពុជាក្នុងការប្រយុទ្ធប្រឆាំង និងទប់ស្កាត់ការរីករាលដាលនៃជំងឺ Covid-19 ។
២. ថវិកាចំនួន ២០០លានរៀលតាមរយៈសមាគមធនាគារនៅកម្ពុជាសម្រាប់ចូលរួមចំណែក ជាមួយរាជរដ្ឋាភិបាលកម្ពុជាក្នុងការប្រយុទ្ធប្រឆាំង និងទប់ស្កាត់ការរីករាលដាលនៃជំងឺ Covid-19 ។
៣. ថវិកាចំនួន ១,២០០លានរៀលជូនមូលនិធិគន្ធបុប្ផាកម្ពុជាដើម្បីទ្រទ្រង់ដល់វិភាគទានសប្បុរសធម៌នៅកម្ពុជា។
៤. ថវិកាចំនួន ៨០០លានរៀលជូនកាកបាទក្រហមកម្ពុជាដើម្បីទ្រទ្រង់សកម្មភាពមនុស្សធម៌ និងជួយទ្រទ្រង់ដល់សកម្មភាពកាកបាទក្រហមកម្ពុជា។
មិនតែប៉ុណ្ណោះ លោកបណ្ឌិតអ៊ិន ចាន់នី ប្រធាននាយកប្រតិបត្តិធនាគារ អេស៊ីលីដា បានមានប្រសាសន៍ថា ប្រជាពលរដ្ឋជាកម្លាំអចលករជាតិ ហើយសុខភាពរបស់ពួកគេគឺសំខាន់ណាស់។ ដូច្នេះហើយ ធនាគារ អេស៊ីលីដា នឹងចូលរួមក្នុងការទប់ស្កាត់ជំងឺ Covid-19 និងចូលរួមក្នុងសកម្មភាពសង្គមជាច្រើនទៀតផងដែរ។
អត្ថបទដោយ៖ Nevin
ប្រភព៖ ក្នុងស្រុក
