អ្នកឧកញ៉ា ពង់ ឃាវសែ បានថ្លែងអំពីការរៀបចំគម្រោងនៃការបង្កើត ព្រលានយន្ដហោះថ្មីដែលស្ថិតនៅក្នុងទឹកដីខេត្ត កណ្ដាល ក្រោមទំហំទឹកប្រាក់វិនិយោគ រាប់ពាន់លានដុល្លារ ដែលត្រូវបានបែងចែកជាដំណាក់សាងសង់ ក្នុងនោះមាន ការងារសាងសង់សម្រាប់ដំណាក់កាលទី១ គ្រោងនឹងចំណាយថវិកា១៥០០លានដុល្លារអាមេរិក ដែលមិនទាន់គិតបញ្ចូលតម្លៃដីនៅឡើយនោះទេ ដែលអាចរំពឹងទុកនឹងទទួលបានភ្ញៀវទេសចរ ១៣លាននាក់ក្នុង១ឆ្នាំ ហើយដំណាក់កាលទី២ នឹងបញ្ចប់នៅឆ្នាំ២០៣០ អាចទទួលភ្ញៀវទេសចរ៣០លាននាក់ក្នុង១ឆ្នាំ និងដំណាក់កាលទី៣ នឹងបញ្ចប់នៅឆ្នាំ២០៥០ អាចទទួលភ្ញៀវទេសចរ ៥០លាននាក់ក្នុង១ឆ្នាំ។
បន្ថែពីលើនេះទៅទៀត ចំពោះការងារផ្នែក រចនាប្លង់ស្ថានីយអ្នកដំណើរត្រូវបានសម្តេចតេជោ ហ៊ុន សែន សម្រេចជ្រើសយកក្រុមហ៊ុន Foster & Partners របស់អង់គ្លេស ហើយក្រុមហ៊ុន China Construction Devotions III ជាអ្នកឈ្មោះនូវការដេញថ្លៃសាងសង់ក្នុងទឹកប្រាក់ ៥៩៥លានដុល្លារ។ ដោយឡែកតំបន់ហោះហើរ ត្រូវបានចរនាឡើងដោយក្រុមហ៊ុនអេវីក ដែលជាក្រុមហ៊ុនចិន។ ជាមួយគ្នានេះក៏មានការអញ្ជើញ ក្រុមហ៊ុនបរទេសល្បីៗជាច្រើនទៀត ជួយគាំទ្រដល់ការបច្ចេកទេសផងដែរ។
អ្នកឧកញ៉ា ពង់ ឃាសែ ក៏បានបញ្ជាក់ទៀតថា បច្ចុប្បន្នគម្រោងសាងសង់អាកាសយានដ្ឋានភ្នំពេញថ្មីនេះ មានកម្លាំងពលកម្ម កំពុងបម្រើការចំនួន១,១០២នាក់ ក្នុងនោះមានវិស្វករបរទេសចំនួន៩៥នាក់ និងវិស្វករខ្មែរ១១០នាក់។ បើតាមការប៉ានស្មាន នៅពេលការងារសាងសង់មមាញឹកដល់កំពូល នោះតម្រូវការកម្លាំងពលកម្មនឹងកើនឡើងដល់២ម៉ឺនាក់ក្នុង១ថ្ងៃ។ តាមរយៈការសាងសង់ព្រលានយន្តហោះថ្មីនេះ នឹងជួយបណ្តុះបណ្តាលការងារបច្ចេកទេស ដល់វិស្វករខ្មែរ បានច្រើន និងផ្តល់កម្លាំងបន្ថែមសម្រាប់ការអភិវឌ្ឍន៍ ប្រទេសនាពេលអនាគតផងដែរ។
ដោយ៖ Stince
ប្រភព៖ ក្នុងស្រុក