វត្ដមានទើបតែបានពីរខែ ក្នុងដើមឆ្នាំ២០២០ ក្រុមហ៊ុនស្រាបៀរ Corona ត្អូញថា រងការខាតបង់ប្រាក់ចំណូល ១០% គិតជាលុយសុទ្ធ ២៨៥លានដុល្លារ នេះបើយោងតាមរបាយការណ៍ប្រៀបធៀបទៅនឹងប្រាក់ចំណូលកាលពីដើមឆ្នាំមុន។
ក្រុមហ៊ុនផលិតស្រាបៀរ កូរ៉ូណា បានទទួចថា ចាប់តាំងពីមានការរាតត្បាតនៃជម្ងឺរលាកផ្លូវដង្ហើមថ្មីកើតឡើង តម្រូវការទីផ្សារស្រាបៀរក្នុងប្រទេចិន ក៏បែជាធ្លាក់ចុះ នៅតាមបណ្ដាហាងផឹកស៊ីជាច្រើនកន្លែង ទាំងនៅផ្ទះ និង ក្លឹបរាត្រី ជាពិសេសក្នុងឱកាសបុណ្យចូលឆ្នាំចិន កន្លងទៅ នេះត្រឹមតែវត្ដមានពីរខែក្នុងឆ្នាំតែប៉ុណ្ណោះ។ តំបន់ដែលត្រូវប៉ះទង្គិចដោយមេរោគ Covid-19 មួយចំនួនក្នុងប្រទេសចិន ដែលជាចំនុចតម្រូវការស្រាបៀរ CORONA ត្រូវបានបិទទ្វារតាំងពីចុងឆ្នាំ២០១៩ ម្ល៉េះ។
ក្រៅពីទីផ្សារតម្រូវការចុះខ្សោយខ្លាំងនៅ ប្រទេសចិន ស្របៀរ CORONA នៅទីផ្សារតាមបណ្ដាប្រទេសផ្សេងៗទៀត លើពិភពលោក ត្រូវបានធ្លាក់ចុះខុសពីការរំពឹងទុកផងដែរ តួយ៉ាងដូចជាប្រទេស ប្រេស៊ីលជាដើម។
ផលចំណូលដែលទទួលបានសរុប មិនទាន់ទូទាត់ថ្លៃកាត់ពន្ធ ក្នុងដើមឆ្នាំ ២០២០ ត្រូវបានធ្លាក់ចុះ១០%ទៅហើយ នេះគឺជាមូលហេតុដែលអាចបញ្ជាក់ថា ផលចំណេញសម្រាប់ក្រុមហ៊ុនក្នុងឆ្នាំនេះ នឹងរងការខាតបង់ធ្ងន់ក្នុងកំលុងពេល១០ឆ្នាំ។ សង្ឃឹមថា រយៈពេល២ខែខាងមុខ គ្រប់យ៉ាងនឹងល្អប្រសើរ។
អត្ថបទដោយ៖ Stince
ប្រភព៖ ក្រៅស្រុក