ដោយៈ ទិន សុខាវុធ
គំរោងកីឡាដ្ឋានមួយមានតំលៃប្រមាណជា $2,000,000 ដុល្លារ ស្ថិតនៅក្នុងខេត្តកំពង់ស្ពឺ ត្រូវបានសម្ពោធចាប់ផ្តើមការសាងសង់ កាលពីថ្ងៃទី ១៥ ខែ ធ្នូ ឆ្នាំ ២០១៩ កន្លងទៅ ក្រោមអធិបតីភាព ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាអ្នកតំណាងរាស្ដ្រមណ្ឌលខេត្តកំពង់ស្ពឺ
កីឡាដ្ឋាននោះនឹងត្រូវសង់ឡើងតាមស្តង់ដារអន្តរជាតិ នៅក្រោមជំនួយឧបត្ថម្ភហិរញ្ញវត្ថុរបស់ក្រុមហ៊ុន Naga World ហើយដែលគ្រោងនឹងត្រូវបញ្ចប់ការសាងសង់នៅឆ្នាំ ២០២៣ នៅពេលដែលកម្ពុជាធ្វើជាម្ខាស់ផ្ទះកីឡាស៊ីហ្គេម។
មួយវិញទៀត កីឡាដ្ឋានមួយនេះ ត្រូវបាននិងកំពុងសង់ឡើងនៅក្នុងភូមិ តាម៉ុល សង្កាត់ ច្បារមន ក្រុង ច្បារមន ខេត្ត កំពង់ស្ពឺ នៅលើផ្ទៃដីប្រមាណជា ៤ ហិកតា។
យោងតាមឯកឧត្តម ហ៊ុន ម៉ានី កីឡាដ្ឋាននេះនឹងជាលទ្ធផលថ្មីមួយទៀតរបស់ខេត្ត គំពង់ស្ពឺ។ ហើយវានឹងជាកត្តាមួយជួយជំរុញអោយយុវជនចូលរួមយ៉ាងសកម្មក្នុងវិស័យកីឡារបស់ខេត្ត៕
