We TV Cambodia

ឯកឧត្តម គួច ចំរើន៖ ម្ខាងប្រឹងសំអាត​ ឯម្ខាងទៀត​ ប្រឹងពង្រាយ​ បេីទោះជាស្អាតគឺត្រឹមតិចតួចប៉ុណ្ណោះ​ ហេីយលំបាកណាស់

ឯកឧត្តម គួច ចំរើន៖ ម្ខាងប្រឹងសំអាត​ ឯម្ខាងទៀត​ ប្រឹងពង្រាយ​ បេីទោះជាស្អាតគឺត្រឹមតិចតួចប៉ុណ្ណោះ​ ហេីយលំបាកណាស់

ដោយ៖ពេជ្រ

ព្រះសីហនុង៖ ឯកឧត្តម គួច ចំរើន អភិបាលខេត្តព្រះសីហនុ បានបង្ហោះលើផេកផ្លូវការ របស់ខ្លួនពីការបោសសំអាតទីតាំងមុខឆ្នេរ ដោយសារតែនៅតែមានអ្នកបោះចោលសំរាមផ្ដេសផ្ដាស និងកាកសំណល់ដែលហូបចុកហើយ ទុកដាក់មិនបានត្រឹមត្រូវ។

ឯកឧត្តម បានសរសេរថា«ម្ខាងប្រឹងសំអាត​ ឯម្ខាងទៀត​ ប្រឹងពង្រាយ​ បេីទោះជាស្អាតគឺត្រឹមតិចតួចប៉ុណ្ណោះ​ ហេីយលំបាកណាស់»។ ក្នុងន័យនេះ គឺចង់សំដៅដល់អ្នកដែលបានមកលេងកម្សាន្តនៅទីតាំងឆ្នេរ ដោយមានការជួបជុំ ហូបចុក តែមិនបានចូលរួមទុកដាក់ និងថែរក្សាបរិស្ថាន តាមការសំណូមពររបស់រដ្ឋបាលខេត្ត។

បើតាមជាក់ស្ដែង រដ្ឋបាលខេត្ត បានខិតខំថែរក្សា និងអំពាវនាវឱ្យពលរដ្ឋគ្រប់រូប ដែលមកលេងកម្សាន្ត ចេះទុកដាក់​ វេចខ្ចប់សំរាមឱ្យបានត្រឹមត្រូវ ពោល មិនគួរហូបចុករួច ទុកចោលសំរាម ពាសវាល  ពាសកាលដូច្នេះទេ។

សកម្មភាពទាំងនេះ បង្ហាញឱ្យឃើញថា ពលរដ្ឋមួយចំនួនតូ​ច នៅតែមិនទាន់មានស្មារតីចូលរួម ថែរក្សាបរិស្ថាន ក្នុងនាមជាពលរដ្ឋល្អនោះទេ ដែលសកម្មភាពនេះគួរតែទទួលការពិន័យជាការព្រមាន។

 

 

Related Articles