ឯកឧត្ដម ស្វាយ សំអ៊ាង អភិបាលខេត្តមណ្ឌលគិរី បានមានប្រសាសន៍ថា មានអ្នកវិនិយោកំពុងតែចាប់អារម្មណ៍ ហើយក៏បានស្នើសុំការអនុញ្ញាតដើម្បីអភិវឌ្ឍគម្រោងចំនួន ១០ នៅក្នុងដែនជម្រកសត្វព្រៃកែវសីមា ២ គម្រោងនៅដែនជម្រកសត្វព្រៃភ្នំណាំលៀវនិង ២៨ គម្រោងនៅក្នុងច្រករបៀងអភិរក្សជីវៈចម្រុះនិងធម្មជាតិ។
ថ្លែងក្នុងសន្និសីទសារព័ត៌មាន ស្ដីពីវឌ្ឈនភាពនៅក្នុងខេត្ដមណ្ឌលគិរី លោកបានបន្ថែមទៀតថា អាជ្ញាធរខេត្តបានប្រឹងប្រែងយ៉ាងខ្លាំងក្នុងការអភិវឌ្ឍវិស័យទេសចរណ៍តាមរយៈការបណ្តុះបណ្តាលធនធានមនុស្សក្នុងវិស័យទេសចរណ៍ ការកែលំអតំបន់អេកូទេសចរណ៍និងតំបន់ទេសចរណ៍វប្បធម៌ការថែរក្សា និងអភិរក្សតំបន់ទេសចរណ៍និងការសម្របសម្រួលនៃទេសចរណ៍ និង ក្រុមហ៊ុនវិនិយោគនិងការចុះបញ្ជីអាជីវកម្មទេសចរណ៍។
លោកកែវសុភ័ក្ត្រ ប្រធានមន្ទីរបរិស្ថានខេត្តក៏បានលើកឡើងដែរថា ក្រុមហ៊ុនដែលត្រូវអនុវត្តតាមគោលការណ៍ គែមិនប៉ះពាល់ដល់ជនជាតិដើមភាគតិចនិងប្រជាជនក្នុងតំបន់ ហើយក៏មិនអាចកាប់ដើមឈើនៅក្នុងព្រៃធម្មជាតិបានដែ រប៉ុន្តែគួរតែដាំបន្ថែមទៀត។ ក្រុមហ៊ុនបានបង្ហាញឆន្ទៈក្នុងការអភិវឌ្ឍទេសចរណ៍ធម្មជាតិដោយអភិរក្សប្រពៃណីនិងសត្វព្រៃជួយលើកកម្ពស់ជីវភាពរស់នៅរបស់ប្រជាជននិងការពារការបរបាញ់សត្វព្រៃនិងការកាប់ព្រៃឈើ ។
ចំណែក លោកងិន សុវិមាន ប្រធានមន្ទីរទេសចរណ៍ខេត្តបានឲ្យដឹងថា វិស័យទេសចរណ៍ដើរតួនាទីយ៉ាងសំខាន់ក្នុងការចូលរួមចំណែកអភិវឌ្ឍន៍ខេត្តដែលមានសក្តានុពលខ្លាំងសម្រាប់វិស័យទេសចរណ៍ធម្មជាតិ។ ថ្មីៗនេះរដ្ឋាភិបាលបានស្នើសុំឱ្យក្រសួងទេសចរណ៍គូរគោលដៅអភិវឌ្ឍន៍សម្រាប់ខេត្តកែបនិងមណ្ឌលគីរី។
គួរបញ្ជាក់ផងដែរថា ខេត្តមណ្ឌលគិរីមានតំបន់ទេសចរណ៍ចំនួន ៣៦កន្លែង រួមមានទឹកជ្រោះប៊ូស្រា រមណីយដ្ឋានវប្បធម៌ជនជាតិដើមភាគតិច ភ្នំទេសភាព ភូមិរមណីយដ្ឋានព្រៃ និងជម្រកសត្វព្រៃ។ អាកាសធាតុត្រជាក់នៅលើភ្នំក៏ទាក់ទាញភ្ញៀវទេសចរផងដែរ។
ដោយ៖ Stince
ប្រភព៖ ក្នុងស្រុក
ប្រភពរូបភាព៖ មណ្ឌលគិរី
