We TV Cambodia

អ្នកជំនាញយល់ថា ២ ឆ្នាំទៀត ខុនដូនឹងដើរតួនាទីចំបងក្នុងវិស័យអចលនទ្រព្យ

អ្នកជំនាញយល់ថា ២ ឆ្នាំទៀត ខុនដូនឹងដើរតួនាទីចំបងក្នុងវិស័យអចលនទ្រព្យ

ដោយៈ ទិន សុខាវុធ

លោក គឹម ហ៊ាង ដែល​ជា​​អ្នក​ជំនាញ​ក្នុង​វិស័យ​អចលនទ្រព្យ​ តាំង​ពី​ជាង​ ៣ ទសវត្ស​មកហើយ​នោះ បាន​លើ​ក​ឡើង​ថា ក្នុង​រយពេល ២ ឆ្នាំ​ខាងមុខ​នេះ ខុនដូ​នឹងដើរតួនាទី​យ៉ាង​ចំបង​ក្នុង​វិស័យ​អចលទ្រព្យ ដោយ​ហេតុ​ថា វា​ជា​សំណង់លំនៅដ្ឋាន​ដែល​​មានតំលៃ​សមរម្យ​នៅ​ក្នុង​ក្រុង ដែល​ជា​ទីកន្លែង​​ដ៏​និយម​ចូល​ចិត្ត​ពី​សំណាក់​ប្រជាពលរដ្ឋ​គ្រប់វណ្ណៈ​ជាន់ថ្នាក់​ទាំងអស់​។

អ្នក​ជំនាញអចលនទ្រព្យ​រូប​នេះ ហ៊ាន​អះអាងថា​ដូច្នេះ ដោយសារ​លោកយល់​ថា បុរី​ភាគ​ច្រើន​ស្ថិត​នៅ​ជាយ​ក្រុង ដែល​ជា​កន្លែង​ឆ្ញាយ​ពី​កន្លែង​ធ្វើការ​ ដែលភាគ​ច្រើនស្ថិត​នៅកណ្តាល​​ក្រុង​ធំ​ៗ។ មួយវិញ​ទៀត​ ការធ្វើដណើរពី​ជាយក្រុងមកកន្លែង​ធ្វើការ​ក្នុង​ក្រុង តែងតែ​ជួប​ប្រទះ​បញ្ហាស្ទះ​ចរាចរណ៍​ស្ទើរ​រាល់​ថ្ងៃ​។ អាស្រ័យហេតុ​នេះ ជំរើស​ដ៏​ល្អ​របស់​ប្រជាពលរដ្ឋ គឺ​អគារ​ខុនដូ​នៅ​កណ្តាល​ក្រុង​។

ក៏ប៉ុន្តែ​ទោះ​ជា​យ៉ាងណាក៏​ដោយ ក៏អ្នកជំនាញ​រូបនេះនៅ​តែ​ទទួល​ស្គាល់ថា នៅ​ពេលបច្ចុប្បន្ន​ ដីឡូតិ៍និងបុរី​នៅ​តែ​មានសន្ទុះ​យ៉ាង​ខ្លាំងក្លា ក្នុង​រយពេលប៉ន្មានឆ្នាំចុងក្រោយ​នេះ ព្រោះ​មាន​សកម្មភាព​លក់​និង​ទិញ​ យ៉ាង​មមាញឹក​ជាទី​បំផុត ចាប់​តាំង​ពី​ឆ្នាំ ២០១៧ មក​៕

Related Articles