We TV Cambodia

អ៊ីតាលីប្រកាសបឺទកន្លែងកម្សាន្ត និងសួនច្បារសាធារណៈទាំងអស់

អ៊ីតាលីប្រកាសបឺទកន្លែងកម្សាន្ត និងសួនច្បារសាធារណៈទាំងអស់

ក្រសួងសុខាភិបាលអ៉ីតាលី បានប្រកាស និងណែនាំឲ្យបិទសួនច្បារសាធារណៈទាំងអស់ បូករួមទាំងអស់ទីកន្លែងកម្សាន្តជាលក្ខណៈបើកចំហនានាផងដែរ ដើម្បីបង្កើនការទប់ស្កាត់បន្ថែមទៀត ចំពោះការឆ្លងរាលដាលដ៏អាក្រក់នៃជំងឺ COVID-19 ដែលប្រទេសអឺរ៉ុបមួយនេះ កំពុងទទួលរងគ្រោះធ្ងន់ជាងគេបំផុត នៅលើពិភពលោក។ នេះបើតាមការចេញផ្សាយដោយស៊ីនហួរ នាព្រឹកថ្ងៃសៅរ៍ ទី២១ ខែមីនា ឆ្នាំ២០២០។

ប្រទេសអ៉ីតាលីបានប្រកាសបិទទ្វារ កាលពីថ្ងៃទី០៨ ខែមីនា កន្លងទៅនេះ នៅពេលដែលស្ថានការណ៍ឆ្លងរាលដាល COVID-19 មានភាពកាន់តែធ្ងន់ធ្ងរ។ ដោយឡែកក្រសួងសុខាភិបាលអ៊ីតាលី បានបោះជំហានទៅមុខបន្ថែមមួយកម្រិតទៀត គឺ ការនៅកន្លែងកម្សាន្ត និងកន្លែងហាត់ប្រាណ ភោជនីយដ្ឋាន ជារួមកន្លែងដែលមានមនុស្សប្រមូលផ្តុំគ្នាច្រើន ដោយសម្រេច បិទជាបណ្តោះអាសន្ន កាលពីថ្ងៃសុក្រម្សិលមិញ នៅមុនពេលចុងសប្តាហ៍ដែលត្រូវបានអាជ្ញាធររំពឹងថាមានអ្នកឆ្លង១៩អ្នកបន្ថែមទៀត។

បើតាមអាជ្ញាធរអ៉ីតាលី អ្នកដែលល្មើសនឹងបទបញ្ជាខាងលើនេះ នឹងត្រូវទទួលរងពិន័យ ឬទោសទណ្ឌទៅតាមច្បាប់កំណត់។ ប្រជាជនអ៉ីតាលីទាំងអស់ ត្រូវបានណែនាំឲ្យស្នាក់នៅក្នុងផ្ទះ ដើម្បីគេចផុតពីការឆ្លង COVID-19។ គិតត្រឹមយប់ថ្ងៃសុក្រសប្តាហ៍នេះ ប្រជាជនអ៉ីតាលីសរុប ៤,០៣២នាក់ហើយបានស្លាប់ដោយសារ COVID-19៕

 

Related Articles