We TV Cambodia

អាជ្ញាធរសៀមរាបរកឃើញ បុគ្គល៤នាក់ ដែលមានទំនាក់ទំនងជាមួយ អ្នកដំណើរជប៉ុន មានផ្ទុក Covid-19

អាជ្ញាធរសៀមរាបរកឃើញ បុគ្គល៤នាក់ ដែលមានទំនាក់ទំនងជាមួយ អ្នកដំណើរជប៉ុន មានផ្ទុក Covid-19

ភ្នំពេញ៖​យោងតាមការលើកឡើងរបស់ អ្នកស្រី ឱ វ៉ានឌីន បានថ្លែងក្នុងសន្និសីទសារព័ត៌មាន​អំពីបច្ចុប្បន្នភាព នៃការរីករាលដាលជម្ងឺ Covid-19 បានឲ្យដឹងថា អាជ្ញាធរសៀមរាប បានធ្វើការតាមដាន​យ៉ាងសកម្ម ដើម្បីស្វែងរក បុគ្គល ដែលមានជាប់ពាក់ព័ន្ធ នឹងអ្នកដំណើរ ជនជាតិជប៉ុន ក្រោយពេលមានការផ្ទុះឡើងព័ត៌មានថាបាន​រកឃើញ ករណីផ្ទុក Covid -19 នៅប្រទេសជប៉ុន។

មានបុគ្គល៤រូប ដែលត្រូវបាន អាជ្ញាធរខេត្ដសៀមរាប រកឃើញថា បានមានទំនាក់ទំនងជាមួយនឹង អ្នកដំណើរជប៉ុនម្នាក់នោះ។​ ក្រោយពេលតាមដានរកឃើញភ្លាម អាជ្ញាធរបានរៀបចំ ធ្វើការតាមដានដោយដាក់ ពួកគេ ស្ថិតនៅកន្ឡែងដាច់ពីគេ។ ក្រុមគ្រូពេទ្យ កំពុងធ្វើការតាមដានយ៉ាងសកម្មជាមួយ នឹងការសង្ស័យមួយនេះ។

អ្នកស្រីបានបន្ដទៀតថា អ្នកដំណើរជនជាតិ ជប៉ុនរូបនោះបានធ្វើដំណើរ ចេញពីប្រទេសថៃ ចូលមកក្នុង ប្រទេកម្ពុជា​តាមរយៈច្រកប្រលានយន្ដហោះអន្ដរជាតិ ខេត្ដសៀមរាប កាលពីថ្ងៃទី២៨ ខែកុម្ភៈ ឆ្នាំ២០២០។ មុនពេល ចូលមកកាន់កម្ពុជា អ្នកដំណើររូបនេះ ត្រូវបានឆ្លងកាត់ការត្រួតពិនិត្យ ទាំង២ជើងហោះហើរ ប៉ុន្ដែមិនមានជាសញ្ញាបង្ហាញនោះទេ។​លុះរហូត​ថ្ងៃទី៣ វេលា ម៉ោង ៨:៤៥នាទីយប់ អ្នកដំណើរជនជាតិជប៉ុននោះ បានធ្វើដំណើរចាកចេញទៅកាន់វៀតណាម លុះរហូត ដល់វៀតណាម ក៏ត្រូវទទួលការពិនិត្យម្ដងទៀត នៅតែមិនមាន សញ្ញាបង្ហាញ នោះដែរ។

ជុំវិញបញ្ហានេះ ផ្នែកសុខាភិបាលកម្ពុជា​ ក៏ទាក់ទងទៅកាន់ប្រទេសជប៉ុន ដើម្បីស្នើរសុំព័ត៌មានបន្ថែម។

អត្ថបទដោយ៖ Stince

Related Articles