We TV Cambodia

អាជ្ញាធរចាប់លៀសខុសច្បាប់រាប់តោន លក់ឡៃឡុងដើម្បីយកលុយដាក់ចូលថវិកាជាតិ

អាជ្ញាធរចាប់លៀសខុសច្បាប់រាប់តោន លក់ឡៃឡុងដើម្បីយកលុយដាក់ចូលថវិកាជាតិ

កំពង់ឆ្នាំង៖ សមត្ថកិច្ច​ខណ្ឌ​រដ្ឋបាល​ជលផល​ខេត្ដកំពង់​ឆ្នាំង បានចេញប្រតិបត្ដិការ ចុះចាប់ឈ្មួញនេសាទលៀសខុសច្បាប់ដោយប្រើម៉ាស៊ីនបច្ចេកវិទ្យាទំនើប ខណៈដែលបរិមាណលៀសមានចំនួនដល់ទៅ ៥១០ ការុង នៅ​ចំណុច​មាត់​កំពង់ទឹក ក្នុង​ភូមិ​ព្រែក​សាលា ឃុំ​ទឹក​ហូត​ស្រុក​រលាប្អៀរ។ ប្រតិបត្ដិការនេះត្រូវបានធ្វើឡើងកាលពីល្ងាច​ថ្ងៃទី​១៩ ខែមករា ឆ្នាំ​២០២០។

លៀសជាច្រើនការ៉ុងត្រូវបានបន្សល់ទុកតាមមាត់ទន្លេ ខណៈអ្នកនេសាទខុសច្បាប់ទាំងនោះ រត់ចោលបាតជើង​សរព្រាត គេចចេញពីកម្លាំងសមត្ថកិច្ចជលផល។ ក្រោយពីប្រតិបត្ដិការចាប់បានភស្ដុតាងជាច្រើនគឺលៀសដែលនៅទីនោះ ត្រូវកម្លាំងរដ្ឋបាលជលផលសម្រេចចលក់ចេញ ឡៃឡុង ទៅឲ្យប្រជានេសាទស្របច្បាប់ ក្បែរនោះ ដើម្បីបង្វិលថវិការចូលកញ្ចប់ចំនូលថ្នាក់ជាតិ។

​លោក លី ឡា នាយ​ខណ្ឌ​រដ្ឋបាល​ជល​ផល​កំពង់ឆ្នាំង​បាន​ឲ្យ​ដឹង​ថា​ លៀស​សរុប​​ចំនួនទាំងអស់មាន ជាង​៧០០ កា​រុង ប៉ុន្តែ​លៀស​មួយ​ចំនួន​បាន​ខូចគុណភាព និង​នៅ​សល់​តែ​៥១០​កា​រុង​ដែល​នៅ​មាន​គុណភាព ។ ដូច្នេះ​ហើយ​តាម​ឯកភាពពី ​ថ្នាក់លើនៅ​ពេល​នេះ​ខណ្ឌ​រដ្ឋបាល​ជលផល​បានសម្រេច​រឹបអូស​លៀស ដែល​មាន​គុណភាព ចំនួន​៥១០ កា​រុង លក់ឡាយឡុង​ដើម្បី​បង់​ចូល​ថវិកាជាតិ ។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​លោក​បាន​បញ្ជាក់​ទៀត​ថា​ ការ​កាវ​លៀស​ដោយ​ម៉ាស៊ីន​គឺជា​ទង្វើ​ខុសច្បាប់ ដែល​ច្បាប់​ស្ដីពី​ជលផល​បាន​ហាមឃាត់ ដោយឡែក​ការ​កាវ​លៀស​ដោយ​ដៃ​គឺ​ច្បាប់​អនុញ្ញាត ដូច្នេះ​អ្នក​កាវ​លៀស​ខុសច្បាប់​គឺ​សមត្ថកិច្ច​និង​បន្ត​ចុះ​បង្ក្រាប មិន​ឲ្យ​កើតមាន​ឡើយ ។ ចំណែក​ក្រុម​ឈ្មួញ ដែល​នាំគ្នា​មក​ទិញ​លៀស យក​ទៅ​លក់​នៅ​ប្រទេស​វៀតណាម​នោះ ក៏​សមត្ថកិច្ច​និង​អាជ្ញាធរ មិន​អនុញ្ញាត​ឲ្យ​ចូល​ទិញ​និង​ដឹក​លៀស​នេះ​បន្ត​ទៀត​ដែរ ៕​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

អត្ថបទដោយ៖ អឿ អ៊ុយ

ប្រភព៖ ក្នុងស្រុក

Related Articles