We TV Cambodia

អាជីវករជាច្រើន ត្អូញត្អែររឿង«ម្ទេស»ឡើងថ្លៃជិត ៣ម៉ឺនរៀល

អាជីវករជាច្រើន ត្អូញត្អែររឿង«ម្ទេស»ឡើងថ្លៃជិត ៣ម៉ឺនរៀល

ក្នុងរយះពេលថ្មីនេះ ម្ទេសក្នុងស្រុក ហាក់បីដូចជា​មានការឡើងថ្លៃហួសកម្រិត ដែលជាហេតុ ថ្វើឱ្យអាជីវរករ​ក៏ដូចជាអ្នកទិញជាច្រើន បង្ហាញការត្អូញត្អែរ​ចំពោះតម្លៃនេះលើទីផ្សារផងដែរ។ ​ស្រី្ដម្នាក់ ជាអ្នកលក់បន្លែក្នុងផ្សារត្រពាំងថ្លឹង បានប្រាប់ We TV Cambodia ថា​ ​ជា​ធម្មតា​ម្ទេសនាំ​ចូល​មក​ ១គីឡូ​តម្លៃ​ត្រឹម​តែ​១ម៉ឺន ទៅ ​១៥០០០​រៀល ​តែប៉ុណ្ណោះ។ តែ​ក្នុង​ពេល​ថ្មីៗនេះ ​ម្ទេសនាំចូលក្នុងតម្លៃ ​រហូតដល់​ទៅ​២ម៉ឺន៥ពាន់ ដល់​ទៅ​៣ម៉ឺន​រៀល ​ឯណ្ណោះ​​។

ហើយ​នេះក៏​ជា​បញ្ហា​ដែល​អ្នក​ស្រីមិន​ហ៊ាន​យក​មក​លក់​ដូចពេល​​រាល់​ដង​ដែរ ដោយ​សារតម្លៃ​ថ្លៃ ​ពិបាក​លក់​ព្រោះ​ក្នុង ​១​ខាំ​ត្រូវ​លក់​ចេញ​៣០០០​រៀល​ទៅហើយ។ ចំណែកឯ អាជីវករ ​មួយរូបទៀត​នេះ ​ក៏​បានលើកឡើង មិន​ខុស​គ្នា​ប៉ុន្មាន​ដែរ ម្ទេស​ដែល​យកមក​លក់លើទីផ្សារ ក្នុង​ស្រុកយើង​នេះ​​គឺ​ មាន​ការ​នាំ​ចូល​មក​ពី​ ៣ប្រភពផ្សេងៗគ្នា​ក្នុ​ងនោះ​មាន​ដូចជា​មកពី ​ប្រទេសវៀតណាម ថៃ​ និង​របស់​ខ្មែរ​យើង​ផ្ទាល់​។

ក៏ប៉ុន្តែ ​សម្រាប់​ម្ទេស​ខ្មែរ ជា​ធម្មតា​មាន​តម្លៃ​ថ្លៃ​ ជាង​ម្ទេស​នាំ​ចូល ​ដោយ​សារតែ​វា​មានគុណភាព​ល្អ​ជាង​។ ហើយចំពោះ ​មូល​ហេតុពិត​ប្រាកដ ​នៃ​ការ​ឡើង​ថ្លៃ​នេះ ​គាត់​ក៏មិនសូវ​ជា​ដឹង​ច្បាស់​ដែរ តែ​អាចបណ្តាលមកពី​ តម្លៃ​ម្ទេស​ដែល ​នាំ​ចូល​ពី​ខាងក្រៅ ​ឬយ៉ាងណា?

អត្ថបទដោយ៖ ពិសី

Related Articles