We TV Cambodia

អាជីវកម្មសួនទឹក​ខ្នាតយក្ស លំដាប់អន្ដរជាតិនឹងបង្ហាញខ្លួនឆាប់ៗនៅជាយក្រុងភ្នំពេញ ក្រោមទំហំទឹកប្រាក់ ៥៥លានដុល្លារ

អាជីវកម្មសួនទឹក​ខ្នាតយក្ស លំដាប់អន្ដរជាតិនឹងបង្ហាញខ្លួនឆាប់ៗនៅជាយក្រុងភ្នំពេញ ក្រោមទំហំទឹកប្រាក់ ៥៥លានដុល្លារ

ភ្នំពេញ៖ ដំណឹងគួឲ្យភ្ញាក់ផ្អើលមួយ អំពីគម្រោងអភវឌ្ឈន៍តំបន់កម្សាន្ដខ្នាតយក្ស បែបថ្មីលំដាប់ អន្ដរជាតិមួយ ក្រោមទំហំទឹកប្រាក់ដល់ទៅ​ ៥៥លានដុល្លារ​ លើផ្ទៃដីប្រមាណជា ៧ហិចតា របស់គម្រោងវិនិយោគក្រុមហ៊ុន ក្នុងស្រុក ដោយ ឧកញ្ញ៉ា លី យុងផាត់។

ស្ថិតក្រោមទំហំទឹកប្រាក់រាប់សិបលានដុល្លាររបស់ក្រុមហ៊ុន អិល វ៉ាយ ភី ក្រុប (LYP Group) គម្រោងសួនទឹកកម្សាន្ដ ហ្គាឌិនស៊ីធី វ៉តធើផាក (Garden City Water Park) ដែលទើបតែបញ្ចប់គម្រោងកាលពេលថ្មីៗនេះ ត្រៀមខ្លួនរៀបចំពិធីសម្ភាធ ដាក់ឲ្យដំណើការ នៅដើមខែ មេសា ឆ្នាំ២០២០​ខាងមុខនេះហើយ ខណៈដែលទីតាំងបច្ចប្បន្ន កំពុងតែរៀបចំសម្អាត។

សួនទឹកកម្សាន្ដ ហ្គាឌិនស៊ីធី វ៉តធើផាក (Garden City Water Park) ត្រូវបានរៀបចំជាលក្ខណៈបែប ខែ្មរ លាយជាមួយរចនាបថ បរទេស ដោយជាក់ស្ដែង នៅក្នុងបរិវេណសួន មានសំណង់ សប្បនិមិត្ដជាប្រាសាទខ្មែរ រូបចំលាក់ខ្មែរ តែឧបករណ៍កម្សាន្ដបែបបរទេស។ សួននេះផងដែរមានទីតាំងនៅ ក្នុងសង្កាត់​ព្រែកតាសេក ខណ្ឌជ្រោយ​ចង្វារ​ប្រមាណ​ជាង ១៥ គីឡូម៉ែត្រ​ពីរាជធានីភ្នំពេញ។

គូសបញ្ជាក់ផងដែរថា គម្រោងសួននេះ ដំបូងឡើយគ្រោងនឹងបញ្ចប់គម្រោង នៅពាក់កណ្ដាលឆ្នាំ តែដោយសា ចរន្ដនៃការសាងសង់ល្អ មានលក្ខណៈរលូន ដូច្នេះគម្រោងត្រូវបានបញ្ចប់ ហើយគ្រោងដាក់ ដំណើរការណ៍នៅ ដើមខែ មេសា ខាងមុខនេះ។

អត្ថបទដោយ៖ អឿ អ៊ុយ

 

Related Articles