We TV Cambodia

អាគារ​ជន្ទល់​មេឃ​ខ្ពស់ជាងគេនៅទីក្រុងភ្នំពេញ នឹង​សង់​រួច​នៅឆ្នាំ ២០២២

អាគារ​ជន្ទល់​មេឃ​ខ្ពស់ជាងគេនៅទីក្រុងភ្នំពេញ នឹង​សង់​រួច​នៅឆ្នាំ ២០២២

ដោយៈ ទិន សុខាវុធ

អគារជន្ទល់មេឃ​លំដាប់​ពិភពលោក MESONG ដែលនឹង​ជា​អគារខ្ពស់​ជាងគេ​នៅ​ទីក្រុង​ភ្នំពេញ នឹង​ត្រូវ​សង់​រួច​នៅ​ក្នុង​ឆ្នាំ ២០២២ ខាង​មុខ​នេះ​។

អគារ​ជន្ទល់​មេឃ​នេះ ត្រូវ​បាន​និង​កំពុង​វិនិយោគ ដោយ​ក្រុមហ៊ុន MESONG ក្នុងទំហំ​ទឹកប្រាក់​រាប់រយ​លាន​ដុល្លារ​។ មួយវិញទៀត អគារនេះ​នឹងត្រូវ​សង់​ឡើង​ដោយ​មាន​កំពស់ ៧១ ជាន់ ស្មើ​នឹង​ ២៥២ ម៉ែត្រ ស្ថិត​នៅ​ក្នុង​កោះ​ពេជ្រ ដែល​ជា​ទីកន្លែង​នៃ​តំបន់​ពាណិជ្ជកម្មនិងទេសចរណ៍​ដ៏​មានប្រជាប្រិយភាព​ជាទី​​បំផុត​នៅ​ទីក្រុង​ភ្នំពេញ​យើង​នេះ​។

នៅ​ពេល​សង់​រួច នៅក្នុង​អគារជន្ទល់​មេឃ​​នេះ​ នឹងមានផ្សារ​ទំនើប ភោជនីយដ្ឋាន និង​លំនៅដ្ឋាន​បែបសហកម្មសិទ្ធិ​សរុប​ចំនួន ១,២៧០ យូនីត​។

យ៉ាងណាម៉ិញ គឺ​ក្រុមហ៊ុន ​WONDER​ ​DEVELOPMENT​ ដែល​បាន​ម៉ៅការ​ទទួល​បាន​​ការសាងសង់ ពី​ក្រុមហ៊ុន MESONG ។ ក្រុមហ៊ុន ​WONDER​ ​DEVELOPMENT​ ជា​ក្រុមហ៊ុនបុត្រ​សម្ព័ន្ធ​របស់​ក្រុមហ៊ុន WONDER​ ​CAPITAL​ ​GROUP ដែល​មាន​មូលដ្ឋាន​នៅ​ទីក្រុង​ហុងកុង​ ហើយ​ដែល​មានបទពិសោធ​ក្នុង​វិស័យ​អចលនទ្រព្យ​ជាង​ ២០ ឆ្នាំ មក​ហើយ​៕

Related Articles