We TV Cambodia

អត្ថប្រយោជន៏ផ្សេងគ្នានៃផ្លែប៉ោមបៃតង និងផ្លែប៉ោមក្រហម

អត្ថប្រយោជន៏ផ្សេងគ្នានៃផ្លែប៉ោមបៃតង និងផ្លែប៉ោមក្រហម

មួយចំនួនធំ​នៃប្រជាជនខ្មែរយើង​ និយមនិងចូលចិត្តបរិភោគផ្លែប៉ោម​ ក៏ប៉ន្តែពួកគាត់ប្រហែលមិនបានចាប់អារម្មណ៏ទេថា រវាងប៉ោមបៃតង និងប៉ោមក្រហម មានអត្ថប្រយោជន៏ផ្សេងគ្នាដូចម្ដេចខ្លះ។ ថ្ងៃនេះ We TV Cambodia ​និងស្រាយចម្ងល់របស់អស់លោកអ្នក ដែលចូលចិត្តទទួលទានផ្លៃប៉ាម​ទាំងក្រហមនិងបៃតង៖

១. រសជាតិ និង​ រូបរាង

ប៉ោមបៃតង មានរសជាតិជូរ និងមានសម្បកក្រាស់ ដូច្នេះហើយទើបវាស្រួយជាងប៉ោមក្រហម។ ចំណែកឯប៉ោមក្រហមវិញ មានរសជាតិផ្អែមឆ្ងាញ់ និងមានសម្បកស្ដើង អញ្ចឹងហើយ​ទើបភាគច្រើនគេ និយមញុំាពណ៌ក្រហមជាងពណ៌បៃតង។

២. អត្ថប្រយោជន៍របស់ផ្លែប៉ោម

ផ្លែប៉ោមទាំងពីរប្រភេទនេះ សម្បូរទៅដោយវីតាមីន និងសារធាតុរ៉ែល្អៗជាច្រើន។ ពួកវាជួយទៅការពារកោសិកាស្បែក ពីការបំផ្លាញដោយអុកស៊ីតកម្ម និងកាត់បន្ថយហានិភ័យនៃការកើតជំងឺបេះដូង និងថ្លើមរ៉ាំរ៉ៃ។ ផ្លែប៉ោមមានជាតិសរសៃ និងកាឡូរីទាប ដែលអាចជាជំនួយដ៏ពិសេសក្នុងការសម្រកទម្ងន់។

៣. តត្តាខុសគ្នា រវាងអាហាររូបត្ថម្ភ

ប៉ោមទាំងពីរប្រភេទនេះ មានសារធាតុចិញ្ចឹមខុសគ្នាបន្តិចបន្តួច។ ប៉ោមបៃតង គឺជាប្រភពនៃវីតាមីន A B C E និងវីតាមីន K។ ម្យ៉ាងវិញទៀត វាក៏មានផ្ទុកនូវជាតិដែកប៉ូតាស្យូម និងប្រូតេអ៉ីនច្រើនជាងប៉ោមក្រហមដែរ។

អត្ថបទដោយ៖ ពិសី

Related Articles