អតិផរណានៅខែកុម្ភៈ ក្នុងប្រទេសថៃ ធ្លាក់ចុះទាបជាងការព្យាករណ៍

ដោយ៖ពេជ្រ

បើតាមទិន្នន័យរបស់ក្រសួងពាណិជ្ជកម្មបានបង្ហាញកាលពីថ្ងៃព្រហស្បតិ៍ថា សន្ទស្សន៍តម្លៃទំនិញប្រើប្រាស់ (CPI) នៅក្នុងខែកុម្ភៈបានកើនឡើង ០,៧៤% ពីមួយឆ្នាំមុនដែលធ្លាក់ចុះពីខែមុននិងទាបជាងការរំពឹងទុក។

ការស្ទង់មតិរបស់រ៉យទ័របានព្យាករណ៍ថាសន្ទស្សន៍សំខាន់របស់ CPI នឹងកើនឡើង ០,៧៧% ពីមួយឆ្នាំទៅមួយឆ្នាំនៅក្នុងខែកុម្ភៈបន្ទាប់ពីការកើនឡើង ១,០៥% នៅក្នុងខែមករា។

សូមបញ្ជាក់ដែរថា នៅថ្ងៃទី ៦ ខែវិច្ឆិកា ឆ្នាំ ២០១៩ ធនាគារកណ្តាលបានកាត់បន្ថយអត្រាការប្រាក់គោលនយោបាយរបស់ខ្លួនជាលើកទី ២ ក្នុងរយៈពេល ៣ ខែគិតត្រឹម ២៥ ចំណុចគោលដល់កំរិតទាបគឺ ១,២៥% ៕