We TV Cambodia

អគារ​ជន្ទល់​មេឃ The Peak ត្រូវ​សង់រួច​ ក្នុង​ឆ្នាំ​នេះ

អគារ​ជន្ទល់​មេឃ The Peak ត្រូវ​សង់រួច​ ក្នុង​ឆ្នាំ​នេះ

The Peak

Posted by DEVOpenBlogger on Sunday, 5 January 2020

ដោយៈ ទិន សុខាវុធ

អគារ​ជន្ទល់​មេឃ The Peak គ្រោង​នឹង​ត្រូវ​​សង់​ហើយ នៅ​​ខែ មិថុនា​​ឬ​ខែ ធ្នូ ក្នុង​ឆ្នាំ ២០២០ នេះ ទោះបី​​ជា​ក្រុមហ៊ុន​ទទួល​ម៉ៅការ​​សាងសង់​អគារ​នេះ ត្រូវ​បាន​ដូរ​ថ្មី​​យ៉ាង​ណា​ក៏​ដោយ​។

យោង​តាម​គេហទំហទំព័រ​របស់​អគារ​ជន្ទល់​មេឃ The Peak នេះ គឺ​ក្រុមហ៊ុន Oxey Singapore និង​ក្រុមហ៊ុន Cambodia Worldbridge ដែល​បាន​ដាក់​ទុន​រួម​គ្នា​វិនិយោគ​ក្នុង​ការសង់​អគារ​នេះ​។ មួយវិញទៀត ​គំរោង​នេះ​​គឺ​ជា​គំរោង​វិនិយោគ​​ទី​ ២ បន្ទាប់​ពី​គំរោង​វិនិយោគ​សំណង់​គេហដ្ឋាន The Bridge របស់​សហក្រុមហ៊ុន​ទាំងពីរ​។

នៅ​ពេល​សង់​រួច ​នៅ​ក្នុង​អគារ​ជន្ទល់​មេឃ​ The Peak នឹង​មាន​ខុនដូយូនីត​​ដ៏​ប្រណីត សំរាប់​អ្នក​មាន​ចំណូល​ខ្ពស់ និង​ផ្សារ​ទំនើប​ដ៏​ទាន់​សម័យ ដែល​ត្រូវ​បាន​រៀបចំ​ឡើង​ដោយ​​ក្រុមហ៊ុន​ផ្សារ​ទំទំើប​ Singapore’s Leading Mall Operator CapitaLand ​ដែល​ជា​ក្រុមហ៊ុន​មក​ពី​ប្រទេស​សង្ហបុរី ដ៏​មាន​​បទ​ពិសោធន៍​ខ្ពស់​ក្នុង​វិស័យ​នេះ​។

យ៉ាង​ណាម៉ិញ នៅ​ក្នុង​អគារនេះ​ ក៏​នឹង​មាន​ផង​ដែរ​នូវ​​សាខា​សណ្ឋាគារ​លំដាប់​ផ្កាយ​ ៥ Shangri-La Hotels ដ៏​ល្បី​ឈ្មោះ​ទូទាំង​​ពិភពលោក ដែល​នឹ​ងអាច​ទាក់ទាញ​ភ្ញៀវ​ទេសចរណ៍​មក​ពី​គ្រប់​ទិសទី​ទាំងអស់ អោយ​មក​ស្នាក់​នៅ​និង​ចំណាយ​ប្រាក់នៅ​ក្នុង​ប្រទេស​កម្ពុជា​។

លើស​ពី​នេះ​ទៀត អគារ​ជន្ទល់​មេឃ​ The Peak ត្រូវ​បាន​នឹង​កំពុង​សង់​ឡើង​នៅ​ជាប់​នឹង​ដង​ទន្លេ​មេគង្គ ទល់​មុខ​កោះ​ពេជ្យ​​ដ៏​ល្បី​ល្បាញ ស្ថិ​ក្នុង​ទីក្រុង​ភ្នំពេញ​​ ដែល​ជា​ទី​កន្លែង​ដ៏​មាន​ប្រជាប្រិយភាព​​៕

Related Articles