We TV Cambodia

អគារពាណិជ្ជកម្ម B2B Centre ប្រកាសបើកទ្វារ ស្របគ្នា ផ្សារឃ្លាំងរំសេវ ប្រកាសបិទ ចុងខែមេសាខាងមុខ

អគារពាណិជ្ជកម្ម B2B Centre ប្រកាសបើកទ្វារ ស្របគ្នា ផ្សារឃ្លាំងរំសេវ ប្រកាសបិទ ចុងខែមេសាខាងមុខ

ភ្នំពេញ៖ សេចក្ដីប្រកាសថ្មីៗអំពីឱសាន្ដវាទផ្សារឃ្លាំងរំសេវ ត្រូវបានសម្រេចនៅថ្ងៃទី ៣០ ខែមេសា ឆ្នាំ២០២០​។ ទន្ទឹមគ្នានោះដែរ គម្រោងថ្មីរបស់ មជ្ឈមណ្ឌលពាណិជ្ជកម្ម B2B Centre ក៏បានប្រកាសខ្លួន បើកទ្វារ រង់ចាំទទួលរាល់អាជីវករ ដែលនឹងចាកចេញពីទីនោះផងដែរ។

មជ្ឈមណ្ឌលពាណិជ្ជកម្ម B2B Centre មានទីតាំងនៅតាមបណ្ដាយផ្លូវ ហាណូយ ចំងាយប្រមាណជា ១គីឡូម៉ែត្រ ពីផ្សារទំនើប អ៊ីអនទី២ ខណ្ឌសែនសុខ ជាមួយនឹងផ្ទៃដីសរុបជិតពីរ ហិចតា។​ B2B Center មានផ្ទៃអាគារទាំងអស់រួមបញ្ចូលគ្នាចំរុះទៅដោយ ផ្សារសហគមន៍, មជ្ឈមណ្ឌលពិព័រណ៍ និងកម្មវិធីផ្សេងៗ, អាហារដ្ឋាន (Street Food), ផ្សាររាត្រី, សួនកុមារ, ការិយាល័យ, ព្រមទាំង មជ្ឈមណ្ឌល គ្រឿងបរិក្ខារអេឡិចត្រូនិច។ ជាមួយមជ្ឈមណ្ឌលគ្រឿងបរិក្ខារអេឡិចត្រូនិច មិនត្រឹមតែប៉ុណ្ណោះ B2B Centre ផ្ដល់នូវទីតាំងដល់អាជីវករនូវស្តង់ផលិតផលខ្នាតតូចទំហំ ៣ម៉ែត្រ គុណនឹង ៣ម៉ែត្រ ដែលបំពាក់ទៅដោយម៉ាស៊ីនត្រជាក់ អំពូលភ្លើង ប្រភពអគ្គិសនីរួចជាស្រេច ។

លោក ព្រឿង វិបុល ជាប្រធានផ្នែកជួល និងទីផ្សារប្រចាំ B2B Center បានលើកឡើងថា នេះជាឱកាសសំរាប់អាជីវករ ដើម្បីប្រែក្លាយមុខមាត់អាជីវកម្មរបស់ខ្លួនពីអាជីវកម្មបែបបុរាណឲ្យទៅទៅជាអាជីវកម្មបែបស្តង់ដារ ស្របទៅនឹងការវិវឌ្ឍន៍ និងបរិបទនៃសង្គមបច្ចុប្បន្នក្នុងការបំលែងខ្លួនទៅតាមតំរូវការពិតប្រាកដនាពេលអនាគត។ ជាពិសេសអាជីវករទាំងអស់នឹងទទួលបាននូវអត្ថប្រយោជន៍ជាច្រើន ដូចជា៖ ការជួយប្រឹក្សាយោបល់ទីផ្សារ ការផ្សព្វផ្សាយ និងការជំរុញការលក់តាមរយៈ Platform e-commerce របស់ក្រុមហ៊ុន រ៉ិច មី (Riich Me) ដែលជាក្រុមហ៊ុនជំនាញផ្នែកអាជីវកម្ម និងលក់អនទ្បាញពីប្រទេសសឹង្ហបូរី និងជាដៃគូអាជីវកម្មរបស់ B2B Center ។

អត្ថបទដោយ៖ Stince

ប្រភព៖ ក្នុងស្រុក​

Related Articles