We TV Cambodia

ឡើងថ្លៃតែមួយប្រាវ! កម្ពុជានាំចេញម្ទេសទៅថៃ កើបចំណូលខ្ទង់លានដុល្លារ

ឡើងថ្លៃតែមួយប្រាវ! កម្ពុជានាំចេញម្ទេសទៅថៃ កើបចំណូលខ្ទង់លានដុល្លារ

កាលពីចុងឆ្នាំ ២០២០ កន្លងទៅនេះបងប្អូនបានដឹងរួចមកពីការឡើងថ្លៃនៃម្ទេស​ស្រស់និងម្ទេសក្រៀម ដោយម្ទេសស្រស់មួយគីឡូក្រាមតម្លៃឡើងដល់ ៣០០០០ រៀល ៣៥០០០រៀន និងឡើងរហូតដល់ ៥០០០០ រៀលតែម្ដង។ ការឡើងថ្លៃម្ទេសនេះ បានធ្វើបងប្អូនមួយចំនួនកើតនូវចម្ងល់ថា តើមូលហេតុអ្វីបា​នជានៅសុខៗម្ទេសខ្មែរបែរជាឡើងថ្លៃ ខណៈបន្លែផ្សេងៗតម្លៃនៅថេរដដែល?  ឆ្លើយតបទៅនឹងចម្ងល់នេះ ឯកឧត្ដម វេង សាខុន រដ្ឋមន្ដ្រីក្រសួងកសិកម្មរុក្ខាប្រ​មាញ់និងនេសាទ បានមានប្រសាសន៍យ៉ាងដូច្នេះថា មូលហេតុដែលម្ទេសខ្មែរយើង​ឡើងថ្លៃបែបនេះគឺដោយសារ កម្ពុជាបានជួបនូវបញ្ហាគ្រោះទឹកជំនន់ ហើយបងប្អ​នប្រជាកសិករភាគច្រើនដែលដាំម្ទេសនៅស្ថិតនៅតាមតំនប់ទន្លេមេគង្គ ហេតុដូច​នេះពូកគាត់មានការព្រួយបារម្ភខ្លាចជន់លិច ក៏នាំគ្នាពន្យាពេលធ្វើការដាំដុះម្ទេស​របស់ខ្លួន។

បន្ទាប់មកដល់រដូវប្រមូលផល គឺចំពេល​ល្មមដែលប្រទេសថៃមាន​តម្រូវការម្ទេសយ៉ាងច្រើន។ អាស្រ័យហេតុហើយទើបម្ទេសខ្មែរយើងហក់ឡើងថ្លៃ​យ៉ាងខ្លាំងបែបនេះ។ តាមប្រភពខាងលើ ឯកឧត្ដម បានឲ្យដឹងទៀតថា កម្ពុជាបាននាំចេញម្ទេសទៅកាន់ប្រ​ទេសថៃក្នុងទំហំ ម្ទេសស្រស់មានចំនួន ចំនួន ៦២.៥៣២តោន និងម្ទេសក្រៀមមានចំនួន១៨០០តោន ដោយគិតជាទឹកប្រាក់សរុបមានចំនួនជាង ៤៨ លានដុល្លារ។

សូមជម្រាបផងដែរ ត្បិតថាម្ទេសកាលពីឆ្នាំ ២០២០ ឡើងថ្លៃរហូតដល់ ៥០០០០រៀល ក្នុងមួយគីឡូក្រាមក៏ពិតមែន ប៉ុន្ដែមិនប្រាកដថាឆ្នាំក្រោយៗទៀតម្ទេសនឹងឡើងថ្លៃដូចគ្នានោះទេ។ ដូច្នេះសូមបងប្អូនប្រជាកសិករកុំសំរុកនាំគ្នាដាំម្ទេស ដោយសារតែឃើញ​លក់បានថ្លៃ ហើយឈប់ដាំដំណាំផ្សេង ធ្វើបែបនេះគ្រោះថ្នាក់។

អត្ថបទដោយ៖ ពិសី

Related Articles