We TV Cambodia

ស្រីលង្កាមានបំណងសុំយកកំពង់ផែដែលវ័ណ្ឌកនឹងបំណុលចិនមកគ្រប់គ្រងវិញ

ស្រីលង្កាមានបំណងសុំយកកំពង់ផែដែលវ័ណ្ឌកនឹងបំណុលចិនមកគ្រប់គ្រងវិញ
រូបថតៈ សហការី

ដោយៈ ទិន សុខាវុធ

លោក Gotabaya​ ​Rajapaksa ប្រធានាធិបតី​នៃ​ប្រទេសស្រីលង្កា មានបំណងចង់​យក​កំពង់​ផែ​ភាគខាងត្បូងនៃទីក្រុង Hambantota ពី​ក្រុមហ៊ុន​ចិន មក​គ្រប់គ្រងវិញ​។

នៅ​ក្នុង​កិច្ច​សំភាសន៍មួយ អតីត​នាយករដ្ឋ​មន្ត្រី​​ស្រីលង្កកា Ranil​ ​Wickremesinghe បានលើក​ឡើង​ថា ការកាត់​​កំពង់​ផែ​ខាង​លើ​នេះ អោយ​ទៅក្រុមហ៊ុន​​ចិន​កាន់កាប់​ចំនួន ៩៩ ឆ្នាំ ដោយ​ហេតុថា​ វា​ជារឿង​ដ៏​ពិបាកមួយ​សំរាប់​ប្រទេស​ស្រីលង្កា​ដឹក​នាំ​ដោយ​រដ្ឋាភិបាល​បច្ចុប្បន្ន អាច​មានសមត្ថភាព​សង​បំណុល​ចិនចំនួន​ប្រមាណ $1100 លានដុល្លារ​។

រូបថតៈ សហការី

គំរោង​សាងសង់​ហេដ្ឋារចនាសម្ព័ន្ធ​របស់​ចិន​ នៅ​ក្នុង​ប្រទេស​ស្រីលង្កា គឺ​ជា​ផ្នែកមួយ​នៃ «​គំនិតផ្តួចផ្តើម ខ្សែ​ក្រវាត់​និង​ផ្លូវ»​ (BRI) ដែល​ជា​កម្មវិធីអភិវឌ្ឍន៍មួយ​ដាក់ចេញ​ដោយ​រដ្ឋាភិបាលចិន ក្នុងគោល​បំណង​សាងសង់​ផ្លូវ​និងហេដ្ឋារចនាសម្ព័ន្ធជាច្រើន​ ដើម្បីត​ភ្ជាប់​​បណ្តាប្រទេស​ជា​ច្រើន​​នៅ​ក្នុង​​ពិភពលោក​ ទៅ​នឹងប្រទេស​ចិន​។

ក៏ប៉ុន្តែ​ គំនិតផ្តួចផ្តើម​ខ្សែ​ក្រវាត់​និងផ្លូវនេះ ត្រូវ​បានរដ្ឋាភិបាល​នៃ​ប្រទេសលោកខាងលិច​មួយចំនួន មានដូចជាសហរដ្ឋ​អាមេរិក និងសហភាពអឺរ៉ុប​ជា​ដើម ធ្វើការរិះគន់ថាគឺជា​ល្បិច​ «អន្ទាក់​បំណុល» របស់​ចិនក្នុង​ការដាក់អាណនិគមលើ​បណ្តាប្រទេសកំពុង​អភិវឌ្ឍទាំងឡាយ ដោយ​ធ្វើ​​អោយ​ប្រទេស​ទាំងនោះ​ជំពាក់បំណុល​វ័ណ្ឌក និងគ្មាន​ជំរើសណាមួយ​ក្រៅពី​ប្រគល់​ទឹកដីអោយ​ទៅចិនកាន់កាប់​៕

រូបថតៈ សហការី

Related Articles