We TV Cambodia

ស្ពានអាកាសថ្មើរជើងពីរ​ទៀត នៅក្រុង​ភ្នំពេញ នឹង​ត្រូវ​សង់​រួច​​នៅ​ពេល​ ៦ ខែ​ទៀត

ស្ពានអាកាសថ្មើរជើងពីរ​ទៀត នៅក្រុង​ភ្នំពេញ នឹង​ត្រូវ​សង់​រួច​​នៅ​ពេល​ ៦ ខែ​ទៀត

ដោយៈ ទិន សុខាវុធ

ស្ពានអាកាស​ថ្មើ​ជើង​ចំនួន​ពីរ​ថ្មី​ទៀត នៅ​ក្នុង​ទីក្រុង​ភ្នំពេញ នឹងត្រូវ​សង់​រួច​និងត្រូវ​ដាក់​អោយ​ដំណើរការ​ នៅ​ក្នុង​រយៈពេល​ ៦ ខែ​ខាង​មុខ​នេះ​។

ពិធី​បើក​សម្ពោធ​ការដ្ឋាន​សាងសង់​ស្ពាន​អាកាស​ថ្មើ​ជើង​ទាំងពីរនេះ ត្រូវ​បាន​ធ្វើឡើងកាលពី​សប្តាហ៍​មុន ក្រោម​អធិបតីភាព​លោក ឃួង​ ស្រេង អភិបាល​រាជ​ធានីភ្នំពេញ​។

យ៉ាងណាម៉ិញ ទីតាំង​របស់​ស្ពានអាកាសទីមួយ គឺ​ស្តិត​នៅ​ផ្តុំផ្សារ​ដើមគ ចំណែក​ឯ​ស្ពានអាកាសទី ២ វិញ ស្ថិតនៅ​​ត្រង់​ភ្លើង​ស្តុប​សន្ធរម៉ុក​។

រហូតមក​ដល់​ពេលបច្ចុប្បន្ន​នេះ នៅ​ក្នងទីក្រុង​ភ្នំពេញ មាន​ស្ពានអាកាស​ថ្មើ​ជើង​ចំនួន ៣ ត្រូវ​បាន​​សាង​សង់​ឡើងរួចរាល់ គឺ​ស្ពានអាកាស​នៅ​ផ្តុំ​ជម្ពូវ័ន្ធ ស្ពាន​អាកាស​ក្នុង​ខណ្ឌ​ពោធិសែនជ័យ និង​ស្ពាន​អាកាស​នៅ​ភ្លើង​ស្តុប​នាងគង្ហីង​។

មួយវិញទៀត ក្រៅ​ពី​ទីក្រុង​ភ្នំពេញ ស្ពាន​អាកាស​ថ្មើជើង​​ក៏​ត្រូវ​បានសង់​ឡើង​នៅ​ក្នុង​ខេត្ត​កំពង់​ស្ពឺ​ដែរ និងដែលត្រូវ​បានសម្ពោធ​ដាក់​អោយប្រើប្រាស់​កាល​ពីថ្ងៃ​អាទិត្យ​កន្លង​ទៅនេះ​៕

Related Articles