We TV Cambodia

ស្ងាត់ៗអាជីវកម្មកូរ៉េខាងជើងទាំងនេះ ស្រាប់តែបិទទ្វារពីប្រទេសកម្ពុជា​

ស្ងាត់ៗអាជីវកម្មកូរ៉េខាងជើងទាំងនេះ ស្រាប់តែបិទទ្វារពីប្រទេសកម្ពុជា​

ភ្នំពេញ៖ ប្រិយមិត្ដមួយចំនួន ប្រហែលជាឆ្ងល់ហើយពីការបាត់វត្ដមានអាជីវកម្មក្រុមហ៊ុន កូរ៉េខាង​ជើង ទាំងអស់ពីប្រទេសកម្ពុជា។ ច្បាស់ណាស់ ការបាត់វត្ដមាននេះ មិនមែនមកពីបញ្ហាក្ស័យធន ឬបញ្ហាគ្រប់​គ្រងផ្ទៃក្នុងអ្វីឡើយ ប៉ុន្ដែវាគឺជាឥទ្ធិពលមួយ នៃការដាក់ទណ្ឌកម្មរបស់អន្ដរជាតិទៅលើប្រទេសកូរ៉េខាង​ជើង។

ក្រុម​ប្រឹក្សា​សន្តិសុខ​អង្គការ​សហ​ប្រជាជាតិ​ ​តម្រូវ​ឲ្យរដ្ឋ​ជា​សមាជិកចំនួន១៩៣ប្រទេស ​បញ្ឈប់​ប្រតិបត្តិការ​រក​លុយ​របស់ជនជាតិ​កូរ៉េខាង​ជើង​នៅ​ក្រៅ​ប្រទេស។ សេចក្ដីសម្រេចចនេះត្រូវបានធ្វើឡើងកាលពីខែ កញ្ញា ២០១៩។

ប្រទេសកម្ពុជា និងកូរ៉េខាងជើង​មានទំនាក់ទំនងយ៉ាងល្អ។ ប្រមាណជាជិតមួយទសវត្សរ៍ចុងក្រោយ អ្នកវិនិយោគទុនកូរ៉េក៏ចាប់ផ្ដើមបើកអាជីវកម្មក្នុងប្រទេសកម្ពុជា ដូចជាការបើកភោជនីយ​ដ្ឋាន និង ​សារមន្ទីជាដើម។

អាជីវកម្មភោជនីយដ្ឋានរបស់កូរ៉េដែលបានបង្កើត និង បិទទ្វារទៅវិញមានដូចជា ៖

១. ភោជនីយដ្ឋានព្យុងយ៉ាង អារីរាំង ដែល​មាន​អាសយដ្ឋាន​ស្ថិត​នៅ​ផ្ទះ​លេខ៣២ ផ្លូវលេខ២១៥ សង្កាត់ ផ្សារដេប៉ូ៣ ខណ្ឌទួលគោក រាជធានីភ្នំពេញ។

២. ភោជ​នីយដ្ឋាន មូរ៉ាន់បូង ដែលមានអាសយដ្ឋានស្ថិតនៅផ្ទះលេខ៩២ ផ្លូវលេខ២១៥ កែងផ្លូវលេខ២០០ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។

៣. ភោជនីយដ្ឋាន ព្យុងយ៉ាង អ៊ុនហាស៊ូ ដែល​មាន​អាសយដ្ឋានស្ថិតនៅអាគារលេខ១០A ផ្លូវលេខ៣១៥ សង្កាត់បឹងកក់ទី១ ខណ្ឌទួលគោក រាជធានី​ភ្នំពេញ ។

៤. ភោជនីយដ្ឋាន ព្យុងយ៉ាង ដែលមានអាសយដ្ឋានស្ថិតនៅផ្ទះលេខ៤០០ ផ្លូវព្រះមុនីវង្ស សង្កាត់បឹង កេងកងទី១ ខណ្ឌចំការមនរាជធានីភ្នំពេញ។

៥. ភោជនីយដ្ឋាន ព្យុងយ៉ាង ហ្វានស៊ីប ដែលមានអាសយដ្ឋានស្ថិតនៅភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប។

៦. ភោជនីយដ្ឋាន ព្យុងយ៉ាង ត្រេឌីសិនណល នូឌល ដែលមានអាសយដ្ឋានស្ថិតនៅផ្លូវជាតិលេខ៦ ភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប។

៧. សារមន្ទីរ​ប៉ាណូរ៉ាម៉ា​របស់​កូរ៉េខាង​ជើង​នៅ​ខេត្ត​សៀមរាប​ក្បែរ​ប្រាសាទ​អង្គរវត្តដែល​បាន​បើក​កាល​ពី​ឆ្នាំ​២០១៥​ ហើយ​ដែល​កាន់កាប់​ដោយ​ជនជាតិ​កូរ៉េ​ខាង​ជើង​ក៏​បាន​បិទ​ដែរ។

ដោយ៖ អឿ អ៊ុយ

Related Articles