We TV Cambodia

សេដ្ឋកិច្ចនិងផ្សារភាគហ៊ុនក្នុងតំបន់អាស៊ីប៉ាស៊ីហ្វិក កំពុងធ្លាក់ចុះបន្ទាប់ពីមានការកើតមានឡើងនៅជំងឺកូរ៉ូណាថ្មី

សេដ្ឋកិច្ចនិងផ្សារភាគហ៊ុនក្នុងតំបន់អាស៊ីប៉ាស៊ីហ្វិក កំពុងធ្លាក់ចុះបន្ទាប់ពីមានការកើតមានឡើងនៅជំងឺកូរ៉ូណាថ្មី

ពិភពលោក៖ ខណះពេលដែលមេរោគកូរ៉ូណា​កំពុងវាយលុកពាសពេញពិភពលោកអ្នកជំនាញផ្នែកសេដ្ចកិច្ចនិងទីផ្សារភាគហ៊ុនក្នុងតំបន់អាស៊ីបានលើកឡើងថា សេដ្ឋកិច្ចទីផ្សារភាគហ៊ុនក្នុងតំបន់កំពុងធ្លាក់ចុះខ្លាំងស្របពេលដែលមានអ្នកជំងឺកំពុងឆ្លងចាប់ផ្តើមកើនឡើងហើយ ក្នុងនោះប្រទេសកម្ពុជាក៏កំពុងស្ថិតក្នុងបញ្ហាជ្រួលច្របល់យ៉ាងខ្លាំងនេះដែរ។

នាពេលថ្មីៗពិភពលោកកំពុងមានការព្រួយបារម្ភជុំវិញវីរុស កូរ៉ូណា (រលាកសួត) ដែលមានប្រភពចេញពីប្រទេសចិន ក្នុងទីក្រុង Wuhan។​ ក្នុងនោះគេមើលឃើញថា ទីផ្សា

ភាគហ៊ុន​នៅ​ប្រទេស​ជប៉ុន គឺ​មានការ​ខាតបង់​ច្រើន​ជាងគេ ចាប់​តាំង​តែ​ពី​ខែសីហា​២០១៩​មក ដោយសារ​តែ​មានការ​ព្រួយបារម្ភ​ពី សង្គ្រាម​ពាណិជ្ជកម្ម ហើយ​បច្ចុប្បន្ន​ក៏​ត្រូវ​ប្រឈម​នឹង​បញ្ហា​ការ​ផ្ទុះ​ឡើង​នៃ​វីរុស​កូ​រ៉ូ​ណា​ទៀត ពោល​នៅ​ថ្ងៃ​អង្គារ​នេះ ផ្សារភាគហ៊ុន​ជប៉ុន បាន​បន្ត​ធ្លាក់​ចុះ ០,៨%​ទៀត​។ រីឯ ភាគហ៊ុន​នៅ​កូរ៉េ​ខាងត្បូង បាន​ធ្លាក់​ចុះ​ជាង ៣% ខណៈ​ដែល​ទីផ្សារ​ហ៊ុន​ប្រទេស​នេះ បាន​បើក​ជា​ថ្មី បន្ទាប់​ពី​ឈប់​សម្រាក​។ ដោយឡែក ភាគហ៊ុន​នៅ​អូស្ត្រាលី​វិញ ក៏​មិន​បង្ហាញ​ពី​ភាពល្អ​ប្រសើរ​នោះ​ដែរ​។ សម្រាប់​ភាគហ៊ុន​នៅ​ប្រទេស​ចិន​វិញ បាន​ធ្លាក់​ចុះ​ជិត ១% នៅ​ថ្ងៃ​អង្គារ​នេះ បន្ទាប់​ពី​មានការ​ធ្លាក់​ចុះ​ជិត​៦% កាលពី​ថ្ងៃ​ចន្ទ​។

ចំណែក​ផ្សារ​ហ៊ុន​ហុងកុង​វិញ គ្រោង​នឹង​បើក​ឡើង​វិញ​នៅ​ថ្ងៃ​ពុធ​ស​ប្ដា​ហ៍​នេះ​បន្ទាប់​ពី​ឈប់​សម្រាក់​អំឡុង​បុណ្យចូលឆ្នាំ​ចិន ខណៈ​ដែល​ការ​ណែនាំ​ចុង​ក្រោយ​ពី​ទីផ្សារ​ចិន គឺ​ត្រូវ​បើក​ដំណើរការ​ឡើង​វិញ​កាលពី​ថ្ងៃ​ចន្ទ​។ ទន្ទឹម​នឹង​នេះ ប្រទេស​ចិន​នៅ​ថ្ងៃ​អង្គារ​នេះ បាន​រាយការណ៍​អំពី​ការ​កើនឡើង​បន្ថែម​ទៀត​នៃ​ចំនួន​អ្នក​ស្លាប់ និង​ឆ្លង​មេរោគ កូ​រ៉ូ​ណា ពោល គិត​មក​ទល់​នឹង​ម៉ោង ១ កន្លះ រសៀល​ថ្ងៃ​អង្គារ ទី​២៨ មក​រា​នេះ បើ​តាម​ការ​រាយការណ៍ ចំនួន​អ្នក​ស្លាប់​ដោយ​វីរុស​កូ​រ៉ូ​ណា​នេះ បាន​កើនឡើង​ដល់ ១០៧​នាក់ និង​ចំនួន​អ្នក​ដែល​មាន​ផ្ទុកមេរោគ​នេះ មាន​រហូត​ដល់​ទៅ​ជាង​៤៤០០​នាក់​។

អ្នកជំនាញ​សេដ្ឋកិច្ច​បា​នះ​អាង​ថា ការ​ថយ​ចុះ​នៃ​ហានិភ័យ​នៅ​ក្នុង​ផ្សារ​ហ៊ុន ទំនងជា​មិន​ប្រសើរ​ឡើង​ទេ រហូត​ទាល់តែ​មានការ​ប្រកាស​ថា ការ​រាលដាល​នៃ​វីរុស​កូ​រ៉ូ​ណា​នេះ គឺ​ត្រូវ​បាន​គ្រប់គ្រង​។ ប៉ុន្ដែ ឥឡូវនេះ កង្វះ​ព័ត៌មាន​អវិជ្ជមាន​អំពី​រឿង​នេះ ដែល​វា​ទំនងជា​ធ្វើ​ឲ្យ​វិនិយោគិន នៅ​តែ​មានការ​ការពារ​ខ្លួន​កាន់តែ​ខ្លាំង មុន​ធ្វើការ​វិនិយោគ​។

អ្នកជំនាញបាននិយាយថាកម្ពុជាកំពុងរងហានិភ័យនេះផងដែរដោយការព្រួយបារម្ភគឺភ្ញៀវទេសចរ និងអ្នកវិនិយោគ ក៏ព្រោះថាកម្ពុជាក៏កំពុងរងគ្រោះពីវីរុសប្រភេទកូរ៉ូណានេះដែរ។

បើ​តាម​ការ​គូសបញ្ជាក់​របស់ Bloomberg ក្រៅពី​តម្លៃ​ភាគហ៊ុន​ដាំ​ក្បាល​ចុះ គេ​សង្កេត​ឃើញ​ថា តម្លៃ​ប្រេង​ឆៅ​ក៏​បាន​ធ្លាក់​ចុះ​ដែរ ជាក់ស្ដែង​ទីផ្សារ​ប្រេង​ឆៅ​ដាក់​លក់​នៅ​ក្នុង West Texas Intermediate បាន​ធ្លាក់​ចុះ ០,២% មក​នូវ​តម្លៃ ប្រមាណ​៥៣​ដុល្លារ ក្នុង​មួយ​បារ៉ែល​។

ជាមួយ​គ្នា​នេះ តម្លៃ​មាស ក៏​បាន​ធ្លាក់​ចុះ ០,២% ដូច​ទៅ​នឹង​ប្រេង​ឆៅ​ដែរ ដែល​មាន​តម្លៃ​មក​នៅ ជាង ១៥០០ ដុល្លារ ក្នុង​មួយ​អោន​៕

ដោយ៖ ឧត្ដម

Related Articles