We TV Cambodia

សារពត៌មានអន្ដរជាតិចុះផ្សាយ អ្នកដំណើរ​លើនាវា Westerndam ម្នាក់ត្រូវបានរកឃើញមានផ្ទុក កូរ៉ូណា ក្រោយចាកចេញពីកម្ពុជា

សារពត៌មានអន្ដរជាតិចុះផ្សាយ អ្នកដំណើរ​លើនាវា Westerndam ម្នាក់ត្រូវបានរកឃើញមានផ្ទុក កូរ៉ូណា ក្រោយចាកចេញពីកម្ពុជា

យោងតាមការចុះផ្សាយរបស់គេហទំព័រ របស់ចក្រភពអង់គ្លេស Dailymail បានឲ្យដឹងថា ស្រីវ័យចំណាស់ អាយុ ៨៣ឆ្នាំ ជនជាតិអាមេរិកម្នាក់ ហើយជាអ្នករួមដំណើរលើនាវាទេសចរណ៍ MS Westerndam ត្រូវបានរកឃើញថាមានផ្ទុកមេរោគ កូរ៉ូណា (Covid-19) ក្រោយពេលស្ដ្រីអ្នកដំណើររូបនេះ បានចាកចេញពីប្រទេសកម្ពុជា​ដោយជើងហោះហើរទៅកាន់ទីក្រុង កូឡាឡាំពួរ ប្រទេសម៉ាឡេស៊ី។

ស្ដ្រីអ្នកដំណើរ វ័យ៨៣ឆ្នាំ និងសមាជិកគ្រួសារ ជាមួយអ្នកដំណើរ ដល់ទៅ ១៤៥នាក់ បានចុះពីលើនាវា ទេសចរណ៍ MS WESTERNDAM កាលពីថ្ងៃទី១៤ ខែកុម្ភៈ ឆ្នាំ២០២០ ហើយក៏បន្ដធ្វើដំណើរទៅកាន់​ប្រទេសរបស់ខ្លួន ដោយរដ្ឋាភិបាលកម្ពុជាបានសម្រួលជើងហោះហើរ ទៅកាន់ប្រទេស ម៉ាឡេស៊ី ។ ក្រោយពេលទៅដល់​ម៉ាឡេស៊ី ស្ដ្រីនេះត្រូវបាន គេពិនិត្យរកឃើញថា​មាន ផ្ទុកមេរោគ កូរ៉ូណា ខណៈដែលប្ដីរបស់គាត់ និង សមាជិក ផ្សេងទៀត​ត្រូវបាន គេរកឃើញថា​មិនមាន អ្នកឆ្លងនៅឡើយ។ អាជ្ញាធរ ម៉ាឡេស៊ី បានរៀបចំ បញ្ជូនស្រ្ដីរូបនេះ ទៅកាន់មន្ទីពេទ្យ ចំណែកអ្នកដំណើរដទៃខ្លះទៀត ត្រូវបានគេរៀបចំ ដាក់ដោយឡែក រង់ចាំការតាមដានពិនិត្យចំនួនពេល ១៤ថ្ងៃ។​

គូសបញ្ជាក់ផងដែរថា អ្នកដំណើរជាច្រើន រាប់រយនាក់ លើនាវាទេសចរណ៍ Westerndam ត្រូវបានទទួលការ​ស្វាគមន៍យ៉ាងយកចិត្ដទុកដាក់​បំផុត ពីរាជរដ្ឋាភិបាល​កម្ពុជា សម្ដេច ហ៊ុន សែន ជាមួយនឹង រដ្ឋមន្ដ្រីជាច្រើនរូប ក្នុងការការបំពេញភារៈកិច្ចជាម្ចាស់ប្រទេស ក្នុងថ្ងៃ១៤ កុម្ភៈ នៅកំពង់ផែ ក្រុងព្រះសីហនុ។

ដោយ៖ Stince

ប្រភព៖ ក្រៅស្រុក

Related Articles