We TV Cambodia

សាករៀនធ្វើខ្លួនឯងញុំាម្ដងមើល ថាឆ្ងាញ់ប៉ុណ្ណា Mozzarella cheese hot dog

សាករៀនធ្វើខ្លួនឯងញុំាម្ដងមើល ថាឆ្ងាញ់ប៉ុណ្ណា Mozzarella cheese hot dog

គ្រប់គ្នាប្រាកដជាធ្លាប់ញុំាំប្រភេទអាហារ fast food ដើម្បីកម្សាន្តអារម្មណ៌មែនទេ?។ Mozzarella cheese hot dog អាហារមួយមុខនេះ​មានរសជាតិឆ្ងាញ់​ និងពេញនិយមសម្រាប់យើងគ្រប់គ្នា ជាពិសេសស្រទាប់ក្មេងៗនិងយុវវ័យ វាក៏ជាអាហារដែលងាយស្រួលចម្អិនផងដែរ ។ ចង់ដឹងថាស្នាដៃធ្វើអាហាររបស់យើង អាចធ្វើឲ្យវាឆ្ងាញ់កម្រិតណា តោះមករៀនពីរបៀបធ្វើ Mozzarella cheese hot dog ទាំងអស់គ្នា៖

គ្រឿងផ្សំ៖

  • ម្សៅធ្វើនំឬ all purpose flour ចំនួន​ ១០០ក្រាម
  • ស្ករស ចំនួន ១០ក្រាម
  • ទឹកដោះគោស្រស់ ចំនួន​១១០ មីលីលីត
  • ពងមាន់ ១គ្រាប់
  • Mozzarella cheese ចំនួន ២០០ក្រាម
  • កម្ទេចនំប៉័ង ចំនួន ១០០ក្រាម
  • ប្រេងឆា
  • Hot Dog​​ (តាមចំនួនដែលអ្នកចង់ពិសារ)

(បញ្ជាក់) គ្រឿងផ្សំទាំងនេះ អ្នកអាចរកទិញបាននៅតាមផ្សារទំនើប ឬហាងនានាដែលនៅជិតលោកអ្នក។

វិធីធ្វើ៖

១. យកម្សៅចាក់ចូលក្នុងចាន ហើយចាក់ស្ករនិង ទឹកដោះគោចូល បន្ទាប់មកគោះពងមាន់ដាក់ចូលក្នុងចានជាមួយគ្នាហើយវាយវាឲ្យសព្វចូលគ្នាក្លាយជាល្បាយម្សៅ រួចទុកមូយឡែក។ យក Mozzarella cheese និងhot dog មកកាត់ជាដុំល្មមដាក់ក្នុងចាន។ រួចហើយចាក់កម្ទេចនំប៉័ង​ ចូលក្នុងថាសមួយ។

២. យក Mozzarella cheese ដែលកាត់រួច មកជ្រលក់ក្នុងល្បាយម្សៅ បន្ទាប់មកជ្រលក់ជាមួយកម្ទេចនំប៉័ង បានទៅជា Mozzarella cheese stick ហើយដាក់ក្នុងចានមួយដើម្បីត្រៀមនឹងបំពងវា។

៣. ចាក់ប្រេងចូលក្នុងខ្ទះឲ្យច្រើនបន្តិច រួចបើកភ្លើងឲ្យក្ដៅហើយ​ យក Mozzarella cheese stick ទៅបំពងក្នុងខ្ទះឲ្យឆ្អិតល្មមជាការស្រេច៕

អត្ថបទដោយ៖ ​ពិសី

Related Articles