We TV Cambodia

សហគមន៍អឺរ៉ុប​សម្រេចដកប្រព័ន្ធអនុគ្រោះពន្ធ(EBA) នៃផ្នែកខ្លះលើទំនិញរបស់ កម្ពុជា

សហគមន៍អឺរ៉ុប​សម្រេចដកប្រព័ន្ធអនុគ្រោះពន្ធ(EBA) នៃផ្នែកខ្លះលើទំនិញរបស់ កម្ពុជា

ភ្នំពេញ៖ កិច្ចប្រជុំរួមកាលពីម្សិលមិញរបស់ សហភាពអឺរ៉ុប អំពីសេចក្ដីសម្រេចនូវយន្ដការបន្ទាប់ ប្រព័ន្ធ EBA មកលើកម្ពុជា ជាលទ្ធផល ត្រូវបានបង្ហាញថា កម្ពុជានឹងត្រូវបាន ទទួលការសម្រេចដក ប្រព័ន្ធអនុគ្រោះពន្ធ មួយចំណែកខ្លះ គឺមិនទាំងស្រុងនោះទេ។

សហភាព​អឺរ៉ុបកាលពីល្ងាចថ្ងៃ​ពុធ​នេះបានប្រជុំជាផ្លូវការ ​សម្រេចដក ប្រព័ន្ធ​អនុ​គ្រោះ​ពន្ធ​នៅ​កម្ពុជា​ ក្រោមប្រធានបទ “គ្រប់​មុខ​ទំនិញ​លើក​លែង​សព្វាវុធ”  មួយ​ផ្នែក​ទៅ​លើ​មុខ​ទំនិញ​មួយ​ចំនួន ដែលការសម្រេចនេះ នឹងធ្វើឲ្យ​ប៉ះពាល់​ទឹក​ប្រាក់​ជាង​១ពាន់​លាន​ដុល្លារ​អាមេរិក​នៃ​ការ​នាំ​ចេញ​ ទំនិញសរុប​របស់​កម្ពុជា​ទៅកាន់ទីផ្សារ​សហភាព​អឺរ៉ុប។ សេចក្តី​សម្រេច​ ​នឹងធ្វើឲ្យ​ប៉ះពាល់​ផលិត​ផល​ស្បែក​ជើង និង​សម្លៀក​បំពាក់​ ទំនិញ​សម្រាប់​ធ្វើ​ដំណើរ និង​ស្ករជាដើម ហើយបើគិតជាទឹកប្រាក់វិញ ​ប្រមាណ​ ១១០០លាន​ដុល្លារ​ជា​រៀង​រាល់​ឆ្នាំ​ ត្រូវនឹង ​២០​ភាគរយ​នៃ​ទំហំ​ទឹក​ប្រាក់​នៃការ​នាំ​ចេញ​សរុប​ពី​កម្ពុជា​ ដែល​មាន​តម្លៃ​ប្រមាណ​ ៥៨០០​លានដុល្លារ​អាមេរិក។ សេចក្ដីសម្រេចនេះ​ត្រូវបាន​ធ្វើឡើង ក្រោមរូបភាព ដែលកម្ពុជា មានករណីរំលោភសិទ្ធិមនុស្ស សិទ្ធិនយោបាយ និងផ្នែកសង្គមស៊ីវិល។

លោក Josep Brrell មន្ដ្រីជាន់ខ្ពស់ទទួលបន្ទុកផ្នែក​ការបរទេស សុវត្ថិភាពនរយោបាយ និងជាអគ្គនាយកសហភាពអឺរ៉ុបទៀតនោះ បានថ្លែងថា ក្នុងកំលុងពេលនៃការត្រួតពិនិត្យនៅកម្ពុជា​ គឺមើលឃើញថា មានករណីនៃការរំលោភបំពាន សិទ្ធិមនុស្ស សិទ្ធិនរយោបាយ និងសិទ្ធិសេរីភាពនៃការបញ្ចេញមតិ ។ សហភាពអឺរ៉ុប មិនឈឱប​ដៃមើលឃើញ នូវទង្វើររូបភាពបែបនេះបានទេ ជាពិសេស គឺការមើលឃើញរូបភាពធ្លាក់ចុះនៃលទ្ធិប្រជាធិបតេយ និង សិទ្ធិជជែកដេញដោល ក៏ត្រូវបាន ស្ងប់ស្ងាត់ផងដែរ។​ សេចក្ដីសម្រេចនៃការដកប្រព័ន្ធអនុគ្រោះពន្ធ គឺឆ្លុះបញ្ចាំង ពីគោលជំហរយ៉ាងរឹងមាំ ទៅកាន់ប្រជាជនកម្ពុជា ម្យ៉ាងវិញទៀត វាក៏អាចជម្រុញឲ្យរដ្ឋាភិបាលកម្ពុជា​ ស្ដាប្រព័ន្ធសិទ្ធិទាំងឡាយឲ្យល្អប្រសើ ប្រសិនជាចង់បានប្រព័ន្ធអនុគ្រោះពន្ធនោះឡើវិញ។

លោក Phil Hogan  បានថ្លែងថា សហភាពអឺរ៉ុប និងប្ដេជ្ញាចិត្ដជួយជ្រោមជ្រែង សេដ្ឋកិច្ចកម្ពុជា ការអភិវឌ្ឈសង្គម​តាមរយៈប្រព័ន្ធអនុគ្រោះពន្ធ តែយ៉ាងណាក៏ដោយ ការឆ្លើយតបទៅនឹងសេចក្ដីសម្រេចនៃការគោរពសិទ្ធិមនុស្ស​​ ពីកម្ពុជា សម្រាប់ពួកយើងនៅទាន់បាននោះឡើយ។ ពួកយើងអាចទទួលស្គាល់ថា ទម្រង់នេះអាចមានការកែប្រែ ប៉ុន្ដែក៏ស្ថិតក្នុងស្ថានភាព ព្រួយបារម្ភ។ គោលដៅរបស់ សហភាពអឺរ៉ុប គឺចង់ឃើញនូវកម្ពុជា បញ្ចប់នូវបញ្ហា​រំលោពសិទ្ធិមនុស្ស ហើយឈលើគោលការណ៍អភិវឌ្ឈន៍ឲ្យរីកចម្រើន ។

គូសបញ្ជាក់ផងដែរថា ទីផ្សារអឺរ៉ុបគឺជាដៃគូធំបំផុត សម្រាប់នាំចេញទំនិញរបស់កម្ពុជា អត្រាប្រាក់ចំនូល ៤៥គាគរយ ទទួលបានការនាំចេញកាលពីឆ្នាំ២០១៨ ដែលមានទំហំទឹកប្រាក់ដល់ទៅ ៥៨០០​លានដុល្លារ​អាមេរិក ដែលចំនួនកើនឡើងទ្វេដង បើធៀបទៅនឹងកាលឆ្នាំ២០១៣។ ​ហើយសហភាពអឺរ៉ុប នឹងបើកកិច្ចប្រជុំម្ដងទៀត​នៅថ្ងៃទី១២ ខែសីហា ដើម្បីសម្រេចទាំងស្រុងនៃការដកប្រព័ន្ធអនុគ្រោះ EBA ប្រសិនបើកម្ពុជា​នៅតែមិនកែប្រែ ទំលាប់​ ខណៈពេលនេះ អាចសម្រេចដកត្រឹមតែចំនុចខ្លះតែប៉ុណ្ណោះ។

អត្ថបទដោយ៖ Stince

ប្រភព៖ ក្រៅស្រុក

Related Articles