We TV Cambodia

សម្ដេច ហ៊ុន សែន អនុញ្ញាតឲ្យកាស៊ីណូទាំងអស់អាចបើកដំណើរការឡើងវិញបាន

សម្ដេច ហ៊ុន សែន អនុញ្ញាតឲ្យកាស៊ីណូទាំងអស់អាចបើកដំណើរការឡើងវិញបាន
សម្ដេច ហ៊ុន សែន នាយករដ្ឋមនន្ត្រីនៃព្រះរាជាណាចក្រកម្ពុជា (ប្រភព៖ SPM)

​សម្ដេច ហ៊ុន សែន នាយករដ្ឋមនន្ត្រីនៃព្រះរាជាណាចក្រកម្ពុជា បានអនុញ្ញាតឲ្យកាស៊ីណូទាំងអស់ អាចបើកដំណើរការអាជីវកម្មរបស់ខ្លួនឡើងវិញបាន ក្រោយត្រូវបានរដ្ឋាភិបាលបញ្ជាឲ្យបិទកាលពីដើមខែមេសាកន្លងទៅ ដើម្បីទប់ស្កាត់ការរីករាលដាលនៃ COVID-19 ។

Naga World (ប្រភព៖ Google)

នៅក្នុង​កិច្ចប្រជុំ​គណៈរដ្ឋមន្ត្រី​ពេញអង្គ កាលពីព្រឹកថ្ងៃទី០២ កក្កដា សម្ដេច ហ៊ុន សែន បានមានស្រសាសន៍ថា កាស៊ីណូទាំងអស់អាចបើកអាជីវកម្មរបស់ខ្លួនឡើងវិញបាន ប៉ុន្តែការ​ដំណើរការ​អាជីវកម្ម​វិញ​នេះ គឺ​តម្រូវឱ្យ​កាស៊ីណូ​ទាំងនោះ មានតែ​ល្បែងភ្នាល់ និង​ស្លត​ម៉ាស៊ីន​ប៉ុណ្ណោះ។

កាស៊ីណូក្នុងខេត្តព្រះសីហនុ (ប្រភព៖ Google)

ជាមួយគ្នានេះដែរ អ្នកនាំពាក្យរដ្ឋាភិបាល លោក ផៃ ស៊ី​ផាន បានឲ្យដឹងថា «​កាស៊ីណូ​ទាំងអស់នោះ ត្រូវ​ស្នើសុំ​ឱ្យមាន​ការអនុញ្ញាត​ពី​ក្រសួងសុខាភិបាល ដែលមាន​ភ្ជាប់​លក្ខខណ្ឌ​តម្រូវ​មួយចំនួននៃ​វិធានការការពារ​ជាមួយ​ជំងឺ​កូ​វីដ​-១៩»​។​

សាលារៀននៅកម្ពុជាត្រូវបានបិទក្នុងកំលុងពេល COVID-19 (ប្រភព៖ Google)

សូមរំលឹកថា កម្ពុជាបានរកឃើញករណីឆ្លង COVID-19 ដំបូងបំផុតនៅថ្ងៃទី០៧ ខែមីនា ហើយក្រសួងអប់រំក៏បានសម្រេចបិទសាលារៀននៅទូទាំងប្រទេសនៅថ្ងៃទី១៤ ក្នុងខែដដែលនោះ។ ដោយឡែក ចំពោះកាស៊ីណូវិញ រដ្ឋាភិបាលកម្ពុជាបានសម្រេចឲ្យបិទទាំងស្រុងនៅថ្ងៃទី០១ ខែមេសា ពោលគឺបិទក្រោយសាលារៀនប្រមាណ ២សប្ដាហ៍ តែទោះជាយ៉ាងណា ពេលនេះរដ្ឋាភិបាលបានសម្រេចឲ្យបើកកាស៊ីណូឡើងវិញ ខណៈដែលសាលារៀននៅទូទាំងប្រទេសនៅបិទទ្វានៅឡើយ។

សាលារៀននៅកម្ពុជាត្រូវបានបិទក្នុងកំលុងពេល COVID-19 (ប្រភព៖ Google)

អត្ថបទដោយ៖ Nevin

Related Articles