We TV Cambodia

សណ្ឋាគារថ្មីមួយតំលៃជិត $227 លានដុល្លារ នឹងសង់រួចក្នុងឆ្នាំ ២០២១

ដោយៈ ទិន សុខាវុធ

ពិធី​សម្ពោធ​ចាប់​ផ្តើម​ការសាងសង់​សណ្ឋាគារ​ផ្កាយ​ប្រាំ​មួយ​
មាន​ឈ្មោះថា Sihanouk​
Ville​ V-Continent​ International​ Hotel ត្រូវ​បាន​​ធ្វើ​ឡើង​នៅ​ថ្ងៃ​ទី ២៨
ខែ តុលា ឆ្នាំ ២០១៩ នៅ​ក្នុង​សង្កាត់​លេខ ៣ ក្រុង​ព្រះ​សីហនុ​។ សំណង់​សណ្ឋាគារ​នេះ
ត្រូវ​បាន​គេ​រំពឹង​ថា​នឹង​ត្រូវ​បញ្ចប់​នៅ​ក្នុង​ឆ្នាំ ២០២១ ។

នៅ​ពេល​សង់​រួច​ សណ្ឋាគារ Sihanouk​ Ville​
V-Continent​ International​ Hotel នឹង​​ចែក​ចេញ​ជា ៤ អគារដែល​នៅ​ក្នុង​នោះ
​អាគារ​កំពស់​​ ១០ ជាន់​មាន​ចំនួន​ពីរ អគារ​កំពស់ ២៧ ជាន់​ចំនួន ១ ខុនដូ​កំពស់ ២៤
ជាន់​ចំនួន​ ១  និង​ផ្សារ​ទំនើបកំពស់​ ២
ជាន់ចំនួន​ ១ នៅ​ចំកណ្តាលបរិវេណ​សណ្ឋាគារ​។​ ជារួម ចំនួន​​​​បន្ទប់​​ទាំងអស់​នៅក្នុង​សណ្ឋាគារ​​នឹង​មាន​ចំនួន​សរុប
១,១១១ បន្ទប់ ចែក​ចេញ​ជា​បន្ទប់​ការិយាល័យ​និង​បន្ទប់​ស្នាក់​នៅ​។

សំណង់​សណ្ឋាគារ Sihanouk​ Ville​ V-Continent​ International​ Hotel ត្រូវ​បាន​វិនិយោគ​ដោយ​ អ៊ិ​ចប្រ៊េ​សគ្រុប​ ហូល​ឌីង​ លីមីត​ធី​ត ដែល​បាន​បោះ​ទុន​វិនិយោគ​ប្រមាណ​ជា​ $227 លាន​សដុល្លារ​ក្នុង​ការសាងសង់​សណ្ឋាគារ​នេះ​៕

Related Articles