We TV Cambodia

វៀតណាមកំពុងតែរីករាយនឹងការបង្កើន ការផលិតអង្ករនាំចេញទៅក្រៅប្រទេស

វៀតណាមកំពុងតែរីករាយនឹងការបង្កើន ការផលិតអង្ករនាំចេញទៅក្រៅប្រទេស

វៀតណាម ក្នុងខណៈពេលនេះ​កំពុងតែរីករាយ នឹងការ បង្កើនការផលិត អង្ករនាំចេញទៅក្រៅស្រុក ទាំងបរិមាណ និងតម្លៃ ស្របពេលទីផ្សារពិភពលោក កំពុងតែត្រូវការខ្លាំង ដោយសាមានការរីករាលដាល​នៃមេរោគ កូវីដ១៩ បណ្ដាប្រទេសជាច្រើន ក៏កំពុងតែព្យាយាម​ផ្គត់ផ្គង់ និងធានាឲ្យបានគ្រប់គ្រាន់នូវតម្រូវការស្បៀង។

សេដ្ឋកិច្ចអង្ករវៀតណាម ក្នុងឆ្នាំនេះហាក់បីដូចជា លេចធ្លោខ្លាំង តាមការសង្កេតជាក់ស្ដែង​ ការនាំចេញមានការកើនឡើង ទាំងតម្លៃនឹងបរិមាណ។ អង្ករវៀតណាម កំពុងតែមានសក្ដានុពល​លើទីផ្សារ នាំចេញទៅក្រៅប្រទេស ហើយអ្វីដែលកាន់តែប្រសើទៀត នោះវៀតណាមនឹងសម្រេចកិច្ចព្រមព្រាងទីផ្សារ សេរីនាំចេញ ទៅកាន់ប្រទេសអឺរ៉ុប ដោយគ្មានបង់ពន្ធ។

គិតត្រឹមតែរយៈពេលពីរខែ​ ចូលឆ្នាំ២០២០ វៀតណាម បាននាំចេញអង្ករទៅក្រៅប្រទេស ដល់ទៅ ៩សែនតោន​ មានចំនួនទឹកប្រាក់ដល់ទៅ ៤១០លានដុល្លារ ដែលទិន្នន័យបរិមាណកើនឡើង២៧% និង បរិមានតម្លៃកើនឡើង ៣២%។

គិតត្រឹមកាលពីខែ​មករា​ វៀតណាមបាននាំចេញអង្កទៅកាន់ប្រទេសក្រៅ បានតម្លៃ៤៧៨ដុល្លារ ក្នុងមួយតោន។​ ហើយមុខសញ្ញាគោលដៅ ដែលត្រូវនាំចេញមាន ជាប្រទេសហ្វីលីពីន ដែលជាទីផ្សារធំនៃការនាំចូលនេះ។

លោក Phan Xuan Que អ្នកគ្រប់គ្រងទូទៅរបស់ផ្នែកប្រតិបត្ដិការចំណីអាហារវៀតណាម បានបញ្ជាក់ថា​​ក្នុងឆ្នាំថ្មីនេះ តម្រូវការអង្ករ​មានច្រើន ទាំងក្នុងស្រុក នឹងក្រៅស្រុក។ ហើយតម្លៃក៏មានការកើនឡើងដែរ ពី ៣០$ ទៅ ៥០$ ក្នុងមួយតោនផ្អែកលើគុណភាព និងប្រភេទអង្ករ។ លោក បានបន្ថែមទៀតថា ការកើនឡើងតម្លៃកន្លងមក​ នឹងត្រូវផ្លាស់ប្ដូរជាលក្ខណៈឆមាស ប្រចាំឆ្នាំ ប៉ុន្ដែពេលនេះ ការប្រែប្រួលតម្លៃ បែជា​តាមសប្ដាហ៍ទៅវិញ។ វាជារឿងមួយកម្រ ណាស់ ហើយជាពិសេស ក្នុងឱកាសនៃការប្រមូលផល ក្នុងតំបន់ ផ្ទៃដីដងទន្លេមេគង្គ។

ក្នុងឆ្នាំនេះ ជាសញ្ញាវិជ្ជមានបានបង្ហាញថា វៀតណាមទំនងជានឹងជោគជ័យលើគម្រោងរបស់ខ្លួន ដែលនឹងរំពឹងថា​សេដ្ឋកិច្ចអង្ករ អាចនាំចេញរហូតដល់ទៅ៦.៧លានតោន ដែលអាចអូសទាញទឹកប្រាក់បានដល់ទៅជាង​៣ពាន់លានដុល្លារ។​

ដោយ៖ Stince

ប្រភព៖ ក្រៅស្រុក

Related Articles