We TV Cambodia

វិនិយោគចិនចាប់ផ្ដើមត្រឡប់មកវិញ និងផ្តោតការចាប់អារម្មណ៍ទៅលើខេត្តកំពត

វិនិយោគចិនចាប់ផ្ដើមត្រឡប់មកវិញ និងផ្តោតការចាប់អារម្មណ៍ទៅលើខេត្តកំពត
ការជួបសំដែងការគួរសមរវាងឯកឧត្តមជាវ តាយ និងឯកឧត្តមកៅ គឹមហួន (ប្រភព៖ ហ្វេសប៊ុក)

នៅថ្ងៃទី២៤ ខែមីនា ឆ្នាំ២០២០ នេះ ឯកឧត្តមជាវ តាយ អភិបាលនៃគណៈអភិបាលខេត្តកំពត បានអនុញ្ញាតឲ្យ ឯកឧត្តមកៅ គឹមហួន ដឹកនាំប្រតិភូវិនិយោគចិនចូលជួបសំដែងការគួរសម និងសំណេះសំណាល។ នេះបើយោងតាមហ្វេសប៊ុកផេករបស់រដ្ឋបាលខេត្តកំពត។

ក្នុងជំនួបនេះដែរ ឯកឧត្តមអភិបាលខេត្តបានមានប្រសាសន៍ថា ឯកឧត្តមសូមស្វាគមន៍គ្រប់វិនិយោគទាំងអស់ ដែលបានមកដល់ទឹកដីនៃខេត្តកំពត។ ឯកឧត្តមបានបន្តទៀតថា ខេត្តកំពតមានសក្តានុពលច្រើន និងមានអ្នកវិនិយោគបានមកវិនិយោគលើការងារមួយចំនួនរួមមាន រោងចក្រស៊ីម៉ង់ត៍ វារីអគ្គិសនី កសិដ្ឋានចេកអំបូង ពិសេសវិស័យទេសចរណ៍ ។

ការជួបសំដែងការគួរសមរវាងឯកឧត្តមជាវ តាយ និងឯកឧត្តមកៅ គឹមហួន (ប្រភព៖ ហ្វេសប៊ុក)

ជាចុងក្រោយ ឯកឧត្តមអភិបាលខេត្ត បានស្នើសុំដល់វិនិយោគគិនទាំងអស់មកវិនិយោគលើទឹកដីខេត្តកំពត ដើម្បីឲ្យខេត្តកំពតមានការអភិវឌ្ឍរីកចម្រើនបន្តទៀត។ ក្នុងឱកាសនោះផងដែរតំណាងអ្នកវិនិយោគចិន បានមានប្រសាសន៍ថា អរគុណមិត្តភាពរវាងកម្ពុជា-ចិន លោកពិតជាមានមោទនភាពណាស់ដែលបានដឹកនាំក្រុមវិនិយោគចិនមកកាន់ទឹកដីដ៏ស្រស់ស្អាតនៃខេត្តកំពតនេះ។

ការជួបសំដែងការគួរសមរវាងឯកឧត្តមជាវ តាយ និងឯកឧត្តមកៅ គឹមហួន (ប្រភព៖ ហ្វេសប៊ុក)

អត្ថបទដោយ៖ Nevin

Related Articles