We TV Cambodia

វិថីមួយខ្សែនៅបង់ក្លាដែស ប្ដូរឈ្មោះពី The Park Road ទៅជាឈ្មោះ វិថី​ព្រះនរោត្តម​ សីហនុ

វិថីមួយខ្សែនៅបង់ក្លាដែស ប្ដូរឈ្មោះពី The Park Road ទៅជាឈ្មោះ វិថី​ព្រះនរោត្តម​ សីហនុ

វិថីមួយខ្សែ​ ស្ថិតនៅក្នុងតំបន់ Baridhara ទីក្រុង Dhaka ប្រទេស បង់ក្លាដែស ឈ្មោះ The Park Road ត្រូវបានរដ្ឋាភិបាល សម្រេចផ្លាស់ប្ដូរទៅជា ឈ្មោះវិថី  King Norodom Sihanouk Road “ព្រះនរោត្ដមសីហនុ” វិញ ហើយក៏បាន ដាក់សម្ភាធឲ្យដំណើរការ នៅថ្ងៃទី កាលពីថ្ងៃទី ២៦ ខែកម្ភៈឆ្នាំ ២០២០។

ក្នុងកំឡុងពេលដាក់សម្ភោធជាផ្លូវការ និងការប្ដូរឈ្មោះ ផ្លូវមួយខ្សែនេះ​កាលពីម្សិលមិញ ត្រូវបានរៀបចំ យ៉ាងល្អស្រស់ និងតុបតែង ជាមួយនឹងការដាក់តាំងរូបព្រះឆាយាល័ក្ខណ៍ព្រះ នរោត្ដមសីហនុ នៅតាមដងផ្លូវជាមួយផងដែរ។

ទន្ទឹមគ្នានេះផងដែរ កម្ពុជាក៏មានផ្លូវមួយខ្សែរ ក្នុងទីក្រុងភ្នំពេញ គឺផ្លូវលេខ ៣៣៧ បានដាក់ឈ្មោះបិតាជាតិរបស់បង់ក្លាដែសគឺ «Bangabandhu SHEIKH MUJIBUR Rahman Road» ក៏គ្រោងនឹងសម្ពោធនៅក្នុងខែមេសាខាងមុខនេះ។

ការ​សម្រេច​ផ្លាស់ប្ដូរឈ្មោះ ផ្លូវទាំងពីរខាងលើនេះ គឺ​ធ្វើឡើង​ក្នុង​អំឡុង​ពេលទស្សនកិច្ចរបស់ ​លោកនាយករដ្ឋមន្រ្តីបង់ក្លាដែស Sheikh Hasina នៅកម្ពុជា កាលពីឆ្នាំ​២០១១។

យោងទៅតាមការលើកឡើងរបស់លោក Md Tajul Islam រដ្ឋមន្រ្តី​ទទួល​បន្ទុក​រដ្ឋាភិបាលក្នុងតំបន់ អភិវឌ្ឍ​ជនបទ និង​សហប្រតិបត្តិការ បាន​ថ្លែងឲ្យដឹងក្នុងពិធី​សម្ពោធថា បង់ក្លាដែស​ និង​កម្ពុជា គឺ​មិត្តដ៏ល្អ ហើយ​ការ​សម្រេច​ចិត្ត​ប្តូរឈ្មោះ​ផ្លូវនេះ គឺ​ធ្វើឡើង​ផ្អែក​តាមការសន្យា​របស់​លោក Sheikh Hasina។

អត្ថបទដោយ៖ Stince

ប្រភព៖ ក្រៅស្រុក

Related Articles