លោក ផៃ ស៊ី​ផា​ន ប្រតិកម្ម ច្រានចោលនូវព័ត៌មានចុះផ្សាយខុស អំពីវ៉ាក់សាំង ខូវីដ១៩ នឹងដឹកមកខ្មែរ ចុងខែនេះ

យោងតាមការបង្ហោះចុះផ្សាយលើបណ្ដាញសង្គមទំនាក់ទំនងហ្វេសប៊ុក ផ្លូវការរបស់ លោក ផៃ ស៊ីផាន អ្នកនាំពាក្យរបស់រដ្ឋាភិបាលកម្ពុជា បានថ្លែងបង្ហាញថា “គោរពជម្រាបជូនបណ្ដាញសារព័ត៌មាន និងប្រិយមិត្តFBFs ក្នុងនាម ខ្ញុំជាអ្នកនាំពាក្យរាជរដ្ឋាភិបាល សូមច្រានចោលនូវព័ត៌មាន ដែលបានផ្សព្វ​ផ្សាយ​ថា “រាជរដ្ឋាភិបាលប្រកាសថា ថ្នាំព្យាបាលជំងឺកូវីដ១៩ នឹងនាំពីចិនមកកម្ពុជានៅចុងខែនេះ”។
ការពិត ខ្ញុំគ្រាន់តែលើកឡើងថា “ចិន និងអាមេរិក បានរកឃើញវ៉ាក់សាំងដើម្បីការពារជំងឺ កូវីដ១៩” តែប៉ុណ្ណោះ។ ចំពោះការផ្សព្វផ្សាយព័ត៌មានលើសពីនេះ ខ្ញុំពុំទទួលខុសត្រូវឡើយ។
អរគុណ”។

កាលពីព្រឹកថ្ងៃទី​៩ ​ខែមីនា​ ឆ្នាំ ២០២០​ កន្លងទៅ ​អង្គភាព​អ្នកនាំពាក្យ​រាជរដ្ឋា​ភិបាលបាន រៀបចំសន្និសីទសារព័ត៌មានស្ដីពី វឌ្ឍនភាព និងទិសដៅការងារបន្ដរបស់ក្រសួងមុខងារសាធារណៈ។ ឆ្លៀតក្នុងឱកាសនោះផងដែរ ឯកឧត្ដម ផៃ ស៊ីផាន ប្រធានអង្គភាពអ្នកនាំពាក្យរដ្ឋាភិបាល បានបើកកម្មវិធី ថ្លែងអំពីបច្ចុប្បន្នភាព និង លក្ខណៈទូទៅ នៃការអភិវឌ្ឈកម្ពុជា។ លោកក៏បានលើកឡើងភ្ជាប់មកជាមួយ​គ្នា នៃបច្ចុប្បន្នភាព មេរោគ ខូវីដ១៩ ដែលសហរដ្ឋអាមេរិក និង ចិន បានរកឃើញវ៉ាក់សាំង ការពារ តែលោក មិនបានបញ្ជាក់ទេថា វ៉ាក់សាំងការពារនោះ នឹងមកដល់កម្ពុជានៅចុងខែនេះ។

ទស្សនា វីដេអូខាងក្រោម៖

ដោយ៖ Stince