We TV Cambodia

លោកជំទាវវេជ្ជបណ្ឌិត ឱ វណ្ណឌី​ន បញ្ជាក់មូលហេតុ​នៃ​ការដក​រូបថត​ ​អ្នក​វិជ្ជមានកូ​វីដ​-១៩

លោកជំទាវវេជ្ជបណ្ឌិត ឱ វណ្ណឌី​ន បញ្ជាក់មូលហេតុ​នៃ​ការដក​រូបថត​ ​អ្នក​វិជ្ជមានកូ​វីដ​-១៩

បើតាមការចុះផ្សាយពីក្រសួងពត៏មាន នៅថ្ងៃទៅ១០​ ខែធ្នូ ឆ្នាំ​២០២០​ លោកជំទាវ​វេជ្ជបណ្ឌិត ឱ វណ្ណឌី​ន រដ្ឋលេខាធិការ និង​ជា​អ្នកនាំពាក្យ​ក្រសួងសុខាភិបាល បាន​ពន្យល់ថា ការធ្វើ​ដូច្នេះ​គឺជា​ផ្នែក​មួយ​នៃ​ការគោរព​សិទ្ធ​បុគ្គល ហើយ​ការដាក់​រូបថត​នេះ គឺ​អំឡុងពេល​នៃ​សកម្មភាព​ប្រតិបត្តិ​ការរុករក​។​ លោកជំទាវ​វេជ្ជបណ្ឌិត​បាន​បន្ថែមថា ៖ “​យើង​ដាក់​រូបថត នៅពេលដែល​កំពុង​រុករក​ប៉ុណ្ណោះ តែ​ពេលនេះ​ពុំ​ត្រូវការ​ទៀត​ទេ ដោយ​យើង​ត្រូវគោរព​សិទ្ធិ​បុគ្គល​ផងដែរ ប៉ុន្តែ​ក្នុងអំឡុង​ពេលនេះ គឺ​យើង​ត្រឹម​ដាក់ឈ្មោះ​សិន ហើយ​នៅពេលដែល​យើង​គ្រប់គ្រង​ស្ថានការណ៍​បាន​ទាំងស្រុង នោះ ក្រសួង​នឹង​បន្ត​ដក​ទាំង​ឈ្មោះ​អ្នក​វិជ្ជមាន​ផងដែរ​”​។​ ក្នុងនោះផងដែរ  លោក​ជំទាវ​វេជ្ជបណ្ឌិតបានបន្ដថា គឺ​ពុំមែន​មានន័យថា ក្រសួងសុខាភិបាល​គ្រប់គ្រង​ស្ថានការណ៍​បាន​ទាំងស្រុង នៃ​ព្រឹត្តិការណ៍​សហគមន៍ ២៨​វិច្ឆិកា នោះទេ ប៉ុន្តែ​គឺ​ស្ថានភាព​នៃ​ការរកឃើញ​អ្នក​វិជ្ជមាន​ពាក់ព័ន្ធ​នឹង​ព្រឹត្តិការណ៍​សហគមន៍ ២៨​វិច្ឆិកា បច្ចុប្បន្ននេះ គឺមាន​ការ​ថមថយ​ខ្លះៗ​ហើយ​។ ម្យ៉ាងវិញទៀត​ ​គឺ​ត្រូវគោរព​សិទ្ធិ​បុគ្គល​ផងដែរ ព្រោះថា​ពុំមាន​នរណាម្នាក់​ចង់ឱ្យ​មានការ​ឆ្លង​មកលើ​ខ្លួនឯង ឬ​ចម្លង​ទៅ​អ្នកដទៃ​នោះទេ ប៉ុន្តែ​ទោះជា​យ៉ាងនេះ​ក៏ដោយ ក៏​លោកជំទាវ​វេជ្ជបណ្ឌិត​នៅតែ​ទទូច សូមឱ្យ​ប្រជាពលរដ្ឋ​កម្ពុជា​ទាំងអស់ ត្រូវតែ​បន្ត​ការប្រុងប្រយ័ត្ន​បន្ថែមទៀត ព្រោះថា​វីរុស​នេះ​បាន​ឆ្លង​ចូលទៅក្នុង​សហគមន៍​ជា​ចង្កោម និង​ដោយ​កន្លែង ហើយក៏​នៅមាន​ហានិភ័យ​ខ្ពស់​នៅឡើយ​។​

អត្ថបទដោយៈ ពិសី

Related Articles