We TV Cambodia

រោងចក្រមីកញ្ចប់លំដាប់អន្តរជាតិ «មីជាតិ» បើកសម្ភោធជាផ្លូវការ

រោងចក្រមីកញ្ចប់លំដាប់អន្តរជាតិ «មីជាតិ» បើកសម្ភោធជាផ្លូវការ

 
 

ដោយៈ ទិន សុខាវុធ

រោង​ចក្រ​ផលិត​មី​កញ្ចប់​ក្នុង​ស្រុក​​ម៉ាក «មី​ជាតិ» ដែល​ត្រូវ​បាន​បំពាក់ដោយ​បច្ចេកវិទ្យា​មក​ពី​ប្រទេស​ជប៉ុន ត្រូវ​បាន​បបើក​សម្ពោធ​ដាក់​អោយ​ដំណើរការ​ជាផ្លូវការ កាល​ពី​សប្តាហ៍​មុន​ ក្រោម​អធិបតីភាព​​លោក​អនុរដ្ឋ​មនន្ត្រី និង រដ្ឋមន្ត្រី​ក្រសួង​សេដ្ឋកិច្ច និង​ហិរញ្ញវត្ថុ អូន​ ព័ន្ធមុនីរ័ត្ន ។

រោងចក្រ​ «មីជាតិ» ដែល​មានទីតាំង​ស្ថិត​ក្នុង​ភូមិ ត្រពាំង​ពោធិ៍ សង្កាត់​ គោករការ ខ័ណ្ឌ​ ពោធិ៍​សែន​ជ័យ ត្រូវ​បានវិនិយោគ​ដោយ​​​ក្រុមហ៊ុន One More Manufacturing Co Ltd ។

នៅក្នុង​ពិធី​បើក​សម្ពោធ លោក​ស្រី ជឹង សុគន្ធាវី នាយិកា​​រោង​ចក្រ​​មីជាតិ បាន​អំពាវនាវ​អោយ​ប្រជាពលរដ្ឋ​ខ្មែរ​ គ្រប់​ស្រទាប់​វណ្ណៈ​ទាំងអស់ ចូល​រួម​គាំទ្រ​ផលិតផល​មី​កញ្ចប់​របស់​លោក​ស្រី ក៏​ដូច​ចូល​រួម​គាំទ្រ​ផលិតផល​ក្នុង​ស្រុក​របស់​ខ្មែរ​។

សូម​បញ្ជាក់​ថា ផលិតផល​មី​កញ្ចប់​ក្នុង​ស្រុក​ ត្រូវ​បាន​ផលិត​ឡើង​តាំង​ពី​ឆ្នាំ ២០១០ មក​ម្លេះ ដោយក្រុមហ៊ុន​ផលិត​មី​កញ្ចប់ «មី​យើង» ។ ក៏​ប៉ុន្តែ ផលិត​ផល​ «មីយើង» ​មួយ​នេះ​មិន​សូវ​ជា​ទទួល​បាន​នូវ​ប្រជាប្រិយភាព​ប៉ុន្មាន​នោះទេ បើ​ប្រៀបធៀប​ទៅ​នឹង​មីកញ្ចប់​នាំ​ចូល​ពី​បរទេស​៕

Related Articles