We TV Cambodia

រោងចក្រផលិតទឹកស្អាតតំលៃ $13 លានដុល្លារ ត្រូវដាក់អោយដំណើរការ

ដោយៈ ទិន សុខាវុធ

រោងចក្រ​ផលិត​ទឹក​ស្អាត​ ស្ថិត​ក្នុ​ង​ខេត្ត​សៀមរាប មានសមត្ថភាព​អាចផលិត​ទឹកស្អាត​បានចំនួន ១៥,០០០ ម៉ែត្រត្រីគុន​ក្នុង​មួយ​ថ្ងៃ ត្រូវ​បាន​សម្ពោធ​ដាក់អោយ​ដំណើរការ កាល​ពី​សប្តាហ៍​មុន​ ក្រោម​អធិបតីភាព​លោក​ស្រី Eva Nguyen Binh ឯក​អគ្គរដ្ឋ​ទូត​បារាំង​ប្រចាំ​នៅ​ភ្នំពេញ​។

រោងចក្រ​នេះ​ត្រូវ​បានសង់ឡើង​ក្រោមហិរញ្ញប្បទាន​ចំនួ $13 លាន​ដុល្លារ របស់រដ្ឋាភិបាលបារាំង តាម​រយ​ទីភ្នាក់ងារ​អភិវឌ្ឍន៍​បារាំង (AFD) ប្រចាំ​នៅ​កម្ពុជា​។

ទន្ទឹម​គ្នានេះ​ដែរ ដើម្បី​បំពេញ​តំរូវទឹកស្អាត​នៅ​​ក្នុង​ខេត្ត​សៀមរាប​ អោយ​បានគ្រប់គ្រាន់ ទីភ្នាក់ងារអភិវឌ្ឍន៍​ជប៉ុនប្រចាំ​នៅ​កម្ពុជា ក៏​បានផ្តល់​ហិរញ្ញប្បទាន​ចំនួន​ $106 លាន​ដុល្លារ​អោយ​ដល់​រដ្ឋាករ​ទឹកកម្ពុជា ដែល​ជា​ស្ថាប័ន​រដ្ឋ​ស្វយ័ត​មួយ ដើម្បី​សង់​រោងចក្រផលិត​ទឹកស្អាត​មួយ​ទៀត​ ស្ថិត​ក្នុង​​សង្កាត់​ជ្រាវ ក្រុង​សៀមរាប ក្នុង​គោលបំណងផលិតទឹកស្អាត​អោយបានចំនួនប្រមាណ ៦០,០០០ ម៉ែត្រត្រីគុនក្នុង​មួយ​ថ្ងៃ ចេញ​ពី​ប្រភព​ទឹកក្នុងបឹង​ទន្លេសាប​៕

Related Articles