We TV Cambodia

រោងចក្រផលិតទឹកស្អាតមួយទៀតតំលៃ $200 លានដុល្លារ នឹងត្រូវសង់ឡើងនៅចុងខែ វិច្ឆិកា ២០១៩

រោងចក្រផលិតទឹកស្អាតមួយទៀតតំលៃ $200 លានដុល្លារ នឹងត្រូវសង់ឡើងនៅចុងខែ វិច្ឆិកា ២០១៩
រូបថតៈ ក្រសួងព័ត៌មាន

ដោយៈ ទិន សុខាវុធ

រដ្ឋាករ​ទឺកស្វយ័ត​ក្រុង​​ភ្នំពេញ បានថ្លែង​​អោយ​ដឹង​ថា រោងចក្រ​ផលិតទឹកស្អាត​មួយ​ទៀត​តំលៃ​ប្រមាណ $200 លាន​ដុល្លារ​នឹងត្រូវ​​សង់​ឡើង​នៅ​ចុង​ខែ​ វិច្ឆិកា​ ឆ្នាំ ២០១៩ នេះ នៅក្នុង​សង្កាត់​បាក់​ខែង ៤ ដើម្បី​បំពេញរំរូវការ​ ក្នុង​ការផ្គត់ផ្គង់​ទឹក​ស្អាត ជូនប្រជាពលរដ្ឋ​រស់​នៅ​ក្នុង​ភាគខាងលិច​រាជ​ធានី​ភ្នំពេញ​។

យោង​តាម​ក្រសួង​ព័ត៌មាន​ រដ្ឋាករទឹកស្វយ័តក្រុង​ភ្នំពេញ បាន​ចុះ​កិច្ចសន្យា​សាងសង់​រោងចក្រ​ផលិត​ទឹកស្អាត​នេះ ជាមួយ​​នឹងក្រុមហ៊ុនបារាំង VINCI construction Grand Projects ។ ក្រសួង​ក៏​បាន​បន្ថែម​ទៀត​ថា ដំណាក់កាលដំបូង​នៃ​ការសាងសង់​រោង​ចក្រ​នេះ នឹងត្រូវ​ចំណាយ​ប្រាក់​អស់ប្រមាណជា $155 លាន​ដុល្លារ​។ នៅ​ពេល​សង់​រួច​ រោង​ចក្រ​នោះ​នឹង​មានសមត្ថភាព​អាចផលិតបរិមាណ​ទឹកស្អាតប្រមាណ​ជា ១៨៥,០០០ ម៉ែត្រគូប​​ក្នុង​មួយ​ថ្ងៃ​។

បន្ទាប់មកទៀត​ នៅពេលដែលសំណង់នៃ​ដំណាក់ដំបូង​ត្រូវ​បានបញ្ចប់ ក្រុមហ៊ុន​បារាំង​នឹង​បន្តការសាងសង់រោងចក្រនេះ ក្នុង​ដំណាក់កាលទី ២ ទៀត ក្នុង​តំលៃ​ទឹកប្រាក់​ប្រមាណជា $45 លាន​ដុល្លារ​ទៀត​​ ដែល​នឹងធ្វើ​អោយ​រោង​ចក្រ​នេះ​មាន​សមត្ថភាព​អាច​ផលិតទឹកស្អាត​បាន​ប្រមាណ​ជា ៣៩០,០០០ ម៉ែត្រ​គូប​ក្នុង​មួយ​ថ្ងៃ​។ នៅ​ពេល​បច្ចុប្បន្ន​នេះ រាជធានីភ្នំពេញ មានរោង​ចក្រ​ផលិត​ទឹក​ស្អាត​ចំនួន ៤ ដែល​អាច​ផលិត​ទឹកស្អាត​បាន​ចំនួន ៥៨០,០០០ ម៉ែត្រ​គូប​ក្នុង​មួយ​ថ្ងៃ​៕

Related Articles