We TV Cambodia

រាជរដ្ឋាភិបាលគ្រោងចំណាយ $100 លានដុល្លារបង្កើត SME Bank ជួយលើកស្ទួយក្រុមហ៊ុនឯកជន

រាជរដ្ឋាភិបាលគ្រោងចំណាយ $100 លានដុល្លារបង្កើត SME Bank ជួយលើកស្ទួយក្រុមហ៊ុនឯកជន

ដោយៈ ទិន សុខាវុធ

រាជ​រដ្ឋាភិបាល​គ្រោង​ចំណាយ $100 លាន​ដុល្លារ បង្កើត​ធនាគាររដ្ឋ​មួយ​មាន​ឈ្មោះថា SME Bank ក្នុង​គោល​​បំណង​ជួយ​លើកស្ទួយ​វិស័យ​ឯកជន ដោយ​ការផ្តល់​នូវ​ហិរញ្ញប្បទាន​ផ្សេង​ៗ​ដល់​ក្រុមហ៊ុន​ឯកជន​ នេះ​បើ​យោង​តាម​ការ​លើក​ឡើងរបស់​លោកនាយករដ្ឋ​មន្ត្រី ហ៊ុន សែន កាលពី​សប្តាហ៍​មុន​។

នៅ​ក្នុង​ពិធី​ប្រគល់សញ្ញាបត្រដល់និស្សិត កាល​ពី​ថ្ងៃ​ពុធ​សប្តាហ៍មុន លោកនាយ​ក​រដ្ឋ​មន្ត្រី​បានថ្លែង​ថា លោក​បាន​ចុះហត្ថលេខា​យល់​ព្រម​រួច​ទៅ​ហើយ ​អោយ​រាជ​រដ្ឋាភិបាល​ប្រើប្រាស់​ថវិកា​ជាតិចំនួនប្រមាណ $100 លានដុល្លារ​ដើម្បី​បង្កើតធានាគាររដ្ឋ​ SME Bank នេះ​។

ទាក់ទង​នឹង​រឿង​នេះ រយពេល​កន្លងទៅ ក្រសួង​សេដ្ឋកិច្ច​និងហិរញ្ញវត្ថុ​បាន​ប្រកាសថា ក្រសួង​បាន​រៀបចំ​​បង្កើតអោយ​មាន​​ធនាគាររដ្ឋ​នេះ ដែល​នឹង​ត្រូវ​​លេច​រូបរាង​ឡើង​​នៅ​លើ​បណ្តាញ​ Internet នៅ​ដំណាច់​ឆ្នាំ ២០១៩ នេះ​។

ក្រសួង​បានអោយ​ដឹងទៀត​ថា គោលបំណងសំខាន់នៃ​ការបង្កើតធនាគារ​នេះ គឺផ្តល់​ហិរញ្ញប្បទាន​អោយ​ដល់សហគ្រាស​ធុនតូច​និងមធ្យម (SME) ទាំងឡាយ​ អាច​មានសមត្ថភាព​ពង្រី​មុខ​របរ​របស់​ពួក​គេ អោយ​កាន់តែ​ធំឡើង​ថែម​ទៀត​៕

Related Articles