We TV Cambodia

រយៈពេល ០២ថ្ងៃក្នុងថ្ងៃឈប់សម្រាក ខេត្ត ឧត្តរមានជ័យបានទទួលភ្ញៀវ ទេសចរជាតិសរុបចំនួន ៣,៤៧៩នាក់

រយៈពេល ០២ថ្ងៃក្នុងថ្ងៃឈប់សម្រាក ខេត្ត ឧត្តរមានជ័យបានទទួលភ្ញៀវ ទេសចរជាតិសរុបចំនួន  ៣,៤៧៩នាក់

អត្ថបទដោយ៖រដ្ឋ ស្រីពេជ្រ

ភ្នំពេញ៖ ក្នុងរយៈពេល០២ ថ្ងៃ ក្នុងថ្ងៃឈប់សម្រាកសងជំនួសបុណ្យចូលឆ្នាំនេះ ភ្ញៀវទេសចរជាតិមកទស្សនាកម្សាន្តនៅតាមបណ្ដាខេត្តនានាមានចំនួនច្រើនកុះករ ក្នុងនោះភ្ញៀវទេសចរជាតិមកទស្សនានៅខេត្តឧត្តរមានជ័យមានចំនួនសរុប ៣,៤៧៩នាក់ និងភ្ញៀវបរទេស ០៤នាក់។ នេះបើតាមក្រសួងទេសចរណ៍ថ្ងៃ ១៩ សីហា​ ឆ្នាំ២០២០។

បើតាមក្រសួងទេសចរណ៍បានឱ្យដឹងថា រយៈពេល ០២ថ្ងៃ​ ចាប់ពីថ្ងៃ​ទី១៧​-១៨ ខែសីហា ឆ្នាំ​២០២០ ខេត្ត​ឧត្តរមានជ័យបានទទួលភ្ញៀវ​ទេសចរជាតិសរុបចំនួន​ ៣,៤៧៩នាក់ និងភ្ញៀវបរទេស ០៤នាក់។

ក្រសួងបានឱ្យដឹងទៀតថា រមណីយដ្ឋានទេសចរណ៍សំខាន់ៗនៅក្នុងខេត្ត ដែលមានភ្ញៀវទៅទស្សនា រួមមាន រមណីយដ្ឋានផ្ទះតាម៉ុក សារមន្ទីរ ,តំបន់ធម្មជាតិរលុះធំ, តំបន់ធម្មជាតិ អាតោរូងដែកសង្ឃរុក្ខាវ័ន,ប្រាសាទតាមាន់, តំបន់ធម្មជាតិ,ទីតាំងកំសាន្តផ្សេងៗ ដូចជាសួនច្បារ ជាដើម។

ដោយឡែក ខេត្ត​ប៉ៃលិន​ក៏ទទួលភ្ញៀវ​ទេសចរជាតិមនចាញ់ខេត្តផ្សេងៗដែរ ពោលគឺមានចំនួន​ ៨,២១៧នាក់ ឯណោះក្នុងរយៈពេល០២ថ្ងៃដំបូងនៃថ្ងៃឈប់សម្រាក។ ចំពោះស្ថានភាពទូទៅ ឃេីញថាមានសន្តិសុខ សណ្តាប់​ធ្នាប់​ របៀបរៀបរយល្អ មាន​ការ​យាមប្រចាំការពីកម្លាំងសមត្ថកិច្ច ចំណែកមូលដ្ឋានអាជីវកម្ម និងសេវាកម្មទេសចរណ៍ មានការយកចិត្តទុកដាក់អនុវត្តតាមវិធានសុវត្ថិភាពទេសចរណ៍​ និងការណែនាំរបស់ក្រសួងសុខាភិបាល ដោយមានដាក់សាប៊ូលាងដៃ​ និងទឹកអាល់កុលសម្រាប់ភ្ញៀវផងដែរ៕

រូបភាព៖ ក្រសួងទេចរណ៍

 

 

Related Articles