We TV Cambodia

របរដាំឫស្សីផ្អែមជួយឲ្យកសិករក្នុងខេត្តបាត់ដំបងរកចំណូលបានជាង ៩ពាន់ដុល្លារក្នុងមួយឆ្នាំ

របរដាំឫស្សីផ្អែមជួយឲ្យកសិករក្នុងខេត្តបាត់ដំបងរកចំណូលបានជាង ៩ពាន់ដុល្លារក្នុងមួយឆ្នាំ
ចំការឫស្សីផ្អែម (ប្រភព៖ FB ឯកឧត្តម វេង សាខុន)

មុខរបរដាំឫស្សីផ្អែមកំពុងជួយឲ្យកសិករក្នុងខេត្តបាត់ដំបងអាចរកចំណូលបានជាង ៩ពាន់ដុល្លារក្នុងមួយឆ្នាំ គិតជាមធ្យមប្រមាណជាង ៧០០ដុល្លារក្នុងមួយខែ។ នេះបើតាមការប្រកាសរបស់ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។

ឯកឧត្តម វេង សាខុន ចុះពិនិត្យចំការឫស្សីផ្អែម (ប្រភព៖ FB ឯកឧត្តម វេង សាខុន)

លោក លី វិន ម្ចាស់អាជីវកម្មដាំឫស្សីផ្អែមស្ថិតនៅភូមិតាគ្រក់ ឃុំត្រែង ស្រុករតន:មណ្ឌល ខេត្តបាត់ដំបង បានឲ្យដឹងថា បច្ចុប្បន្នលោកដាំដំណាំឫស្សីនេះលើផ្ទៃដីចំនួន ៣ហិចតា ហើយលោករកចំណូលពីអាជីវកម្មនេះតាមរយៈ ការបណ្តុះកូនឫស្សី, ជីកទំពាំងលក់ និងលក់ដើមប្ញស្សី។

ឯកឧត្តម វេង សាខុន ចុះពិនិត្យចំការឫស្សីផ្អែម (ប្រភព៖ FB ឯកឧត្តម វេង សាខុន)

លោកបន្តទៀតថា ចំពោះកូនឫស្សី ១ដើមលក់បានតម្លៃ ៣០០០រៀល, ទំពាំង ១គីឡូ ២៥០០រៀល, ឫស្សី ១ដើមតម្លៃ ៣០០០រៀល) ហើយរៀងរាល់ ៥ថ្ងៃប្រមូលទំពាំងម្តង បើគិតជាមធ្យមក្នុងមួយលើកប្រមូលទំពាំងបាន ១ ៤០០គីឡូក្នុងមួយហិចតា។ កាលពីឆ្នាំ២០១៩ គាត់រកចំណូលសរុបបានជាង ៩ ០០០ដុល្លារ។

ចំការឫស្សីផ្អែម (ប្រភព៖ FB ឯកឧត្តម វេង សាខុន)

ឯកឧត្តម វេង សាខុន ក៏បានអំពាវនាវឱ្យប្រជាសហគមន៍ព្រៃឈើដាំឫស្សីផ្អែមនេះ ព្រោះវាជាដំណាំងាយដាំដុះ ឆាប់ឱ្យផល មានអាយុវែង បានផលទាំងដើម ទំពាំង និងកូនទៀតផង បើយើងដាំបានផលឫស្សីនេះនឹងជួយបង្កើនកម្រិតជីវភាពរបស់ប្រជាសហគមន៍ព្រៃឈើបានល្អប្រសើរ ដោយមិនចាំបាច់ទៅពឹងផ្អែកលើផល និងអនុផលព្រៃឈើទាំងស្រុងនោះទេ។

ឯកឧត្តម វេង សាខុន ចុះពិនិត្យចំការឫស្សីផ្អែម (ប្រភព៖ FB ឯកឧត្តម វេង សាខុន)

សូមបញ្ជាក់ផងដែរថា ប៉ុន្មានឆ្នាំចុងក្រោយនេះ របរមួយចំនួនក្នុងវិស័យកសិកម្មបានជួយជម្រុញជីវភាពប្រជាជនកម្ពុជាបានយ៉ាងច្រើនដូចជា៖ ចិញ្ចឹមបង្កង, ដាំស្មៅលំអសួន, ចិញ្ចឹមចៀម, ដាំឫស្សីផ្អែម, ដាំទំពាំងបាយជូ និងការចិញ្ចឹមឃ្មុំយកទឹកជាដើម។

ឯកឧត្តម វេង សាខុន ចុះពិនិត្យចំការឫស្សីផ្អែម (ប្រភព៖ FB ឯកឧត្តម វេង សាខុន)
ឯកឧត្តម វេង សាខុន ចុះពិនិត្យចំការឫស្សីផ្អែម (ប្រភព៖ FB ឯកឧត្តម វេង សាខុន)
ឯកឧត្តម វេង សាខុន ចុះពិនិត្យចំការឫស្សីផ្អែម (ប្រភព៖ FB ឯកឧត្តម វេង សាខុន)
ឯកឧត្តម វេង សាខុន ចុះពិនិត្យចំការឫស្សីផ្អែម (ប្រភព៖ FB ឯកឧត្តម វេង សាខុន)

អត្ថបទដោយ៖ Nevin

Related Articles